ကုန်သွယ်မှုသတင်းများ
အရည်အသွေးမြင့် ကမ္ဘောဒီးယားဆန်အား ဝယ်လိုအားမြင့်မားလာမှုအရ ကမ္ဘောဒီးယား ဆန်တင်ပို့သူ ကုမ္ပဏီဖြစ်သည့် Amru Rice သည် ၎င်း၏ ပရီမီယံဆန်နှင့် အော်ဂဲနစ်ဆန်အမျိုး အစားများကို ဥရောပဈေးကွက်သို့ တိုးမြှင့်တင်ပို့သကဲ့သို့ ရင်းနှီးမြှုပ်နှံမှုများ လုပ်ဆောင်လျက်ရှိသည်။
ဗီယက်နမ် လယ်ယာစိုက်ပျိုးရေးနှင့်ကျေးလက်ဖွံ့ဖြိုးရေးဝန်ကြီးဌာန၏ ထုတ်ပြန်ချက်အရ ဗီယက်နမ်နိုင်ငံ၏ ၂၀၂၃-၂၀၂၄ ခုနှစ် သီးနှံရာသီအတွင်း ကော်ဖီထွက်ရှိမှုပမာဏသည် ယခင်နှစ်နှင့် နှိုင်းယှဉ်ပါက ၂၀% လျော့ကျလျက် တန်ချိန် ၁.၄၇ သန်းသာရှိကြောင်း၊ ၎င်းပမာဏသည် ၄ နှစ် အတွင်း အနိမ့်ဆုံးဖြစ်ပြီး ကမ္ဘာ့ရိုဘတ်စတာကော်ဖီဈေးကွက်၌ ရောင်းလိုအားအပိုင်းအပေါ် ဖိအားများ ဖြစ်ပေါ်လျက်ရှိကြောင်း သိရှိရသည်။
ဖိလစ်ပိုင် စိုက်ပျိုးရေးဦးစီးဌာနသည် ဂျပန်ဈေးကွက်သို့ Hass အမျိုးအစား ထောပတ်သီးများ တင်ပို့ခြင်းကို ယခုနှစ်အတွင်း စတင်နိုင်ရန် မျှော်မှန်းလျက်ရှိကြောင်း သိရှိရသည်။
အိန္ဒိယနိုင်ငံတွင် ပဲမျိုးစုံဈေးနှုန်းများမှာ လွန်ခဲ့သော ၄ - ၅ လ ကာလအတွင်း ၁၀% မှ ၁၅% အထိ မြင့်တက်ခဲ့ပြီး ၂၀၂၄ ခုနှစ် အထွေထွေရွေးကောက်ပွဲရလဒ်များကို ထုတ်ပြန်ကြေညာမည့် ဇွန်လ ၄ ရက်နေ့၏ နောက်ပိုင်း၌ ၂၀% မှ ၃၀% ခန့်အထိ ထပ်မံမြင့်တက်လာဖွယ်ရှိကြောင်း Times of India သတင်းဌာနက ဖော်ပြပါသည်။
ကရင်ပြည်နယ်အတွင်း ရာဘာအစေးခြစ်လုပ်ငန်းများဆောင်ရွက်နေပြီဖြစ်ပြီး ၂၀၂၄ခုနစ်၊ မေလအတွင်း ဖြစ်ပေါ်လျက်ရှိသော RSS3 ရာဘာ ၁ပေါင်ဈေးနှုန်းမှာ ၂၀၀၀ကျပ်ဖြစ်ကြောင်းသိရှိရပါသည်။ ကာလတူဈေးနှုန်းနှိုင်းယှဉ်ချက်များအရ ယမန်နှစ်က RSS3 တစ်ပေါင်လျင် ၁၃၃၀ကျပ်ဖြစ်ပြီး ကျပ် ၆၇၀ခန့် ဈေးနှုန်းမြင့်တက်ခဲ့ကြောင်းသိရှိရပါသည်။
