ကုန်သွယ်မှုသတင်းများ

      စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘို၊ ရေဦးနှင့် မုံရွာခရိုင်များ၌ စပါး၊ ဆန်ဈေးနှုန်းများမှာ ယခင်အပတ်များအတိုင်း ဈေးအေးနေသော်လည်း ကသာခရိုင်(အင်းတော်မြို့နယ်)၌ ဧရာမင်း(စပါး)(သစ်)  တင်း၁၀၀ဈေးနှုန်းမှာ ယခင် မေလ စတုတ္ထပတ်နှင့်နှိုင်းယှဉ်ပါက ဈေးနှုန်းအနည်းငယ်မြင့်တက်နေကြောင်းသိရှိရပါသည်။

     မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်၊ ထနောင်းဇင်အုပ်စုရှိ သဲကန်ကျေးရွာတွင် ရာသီအလိုက် ကုလားပဲ၊ မြေပဲ၊ နှမ်းနှင့် စပါးတို့ကိုအဓိကထားစိုက်ပျိုးပြီး မိုးနှမ်းကို ၂၀၂၄ခုနှစ်၊ ဇွန်လ(ပထမပတ်)တွင် စတင်စိုက်ပျိုးထားပြီး နှမ်းနီနှင့်နှမ်းဖြူမျိုးကို အများဆုံးစိုက်ပျိုးကြောင်း သိရပါသည်။