ကုန်သွယ်မှုသတင်းများ

        ဧရာဝတီတိုင်းဒေသကြီး၊ ဖျာပုံခရိုင်၊ စားသုံးသူရေးရာဦးစီးဌာန၊ ဒုတိယခရိုင်ဦးစီးမှူးနှင့် မြို့နယ်စစ်ဆေးရေးမှူးတို့သည် ဩဂုတ်လ(၅) ရက်နေ့တွင် စားအုန်းဆီရန်ကုန်အထိုင် ရည်ညွှန်းလက္ကားဈေး နှုန်းအပေါ် ကုန်သည်များညွှန်ကြားချက်နှင့်အညီရောင်းချစေရေးနှင့် ဈေးနှုန်း အဆမတန်မြှင့်တင်ရောင်းချ ခြင်းမရှိစေရေးအတွက် အရောင်းဆိုင်များအား ကြီးကြပ်ဆောင်ရွက်လျက်ရှိကြောင်း သိရသည်။

              စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီ တင်သွင်း သိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီကို ဖွဲ့စည်းကာ ပြည်ပမှတင်သွင်းလာသည့် စားသုံးဆီ များအား သတ်မှတ်အရည်အသွေး၊ စံချိန်စံညွှန်းများနှင့်ပြည့်မီစေရေး၊ စားသုံးသူပြည်သူများ ကျန်းမာ ရေးနှင့်ညီညွတ်သော စားသုံးဆီများကို သုံးစွဲနိုင်ရေး၊ ဈေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး တို့အတွက် ကြီးကြပ်ထိန်းကျောင်း ဆောင်ရွက်လျှက်ရှိပါသည်။