မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ပဲစင်းငုံကို မိုးနှမ်းသီးနှံစိုက်ပျိုးရာ၌ ကြားညှပ်သီးနှံအဖြစ် စိုက်ပျိုးလေ့ရှိကြရာ ပဲစင်းငုံသီးနှံစိုက်ပျိုးမှုအလွန်နည်းပါးပါသည်။ (၂၀၂၀-၂၀၂၁) ခုနှစ်တွင် ပဲစင်းငုံ(မိုး)စိုက်ဧက (၇၅၂၇၇) ဧကစိုက်ပျိုးခဲ့ပြီး အထွက်နှုန်း (၁၁.၅၂) တင်းထွက်ရှိ၍ အထွက်စုစုပေါင်း (၈၆၇၁၉၁) တင်းထွက်ရှိခဲ့ပါသည်။ (၂၀၂၁-၂၀၂၂) ခုနှစ်တွင် ပဲစင်းငုံ(မိုး)စိုက်ဧက (၇၈၃၁၂) ဧကစိုက်ပျိုးခဲ့ပြီး အထွက်နှုန်း (၁၁.၅၀) တင်းထွက်ရှိ၍ အထွက်စုစုပေါင်း (၉၀၀၅၈၈) တင်းထွက်ရှိခဲ့ပါသည်။ ပဲစင်းငုံ(မိုး)ကို ဇွန်လ၏ မိုးဦးကျချိန်တွင် စတင်စိုက်ပျိုး၍ နိုဝင်ဘာလ(နောက်ဆုံးပတ်)နှင်ပ ဒီဇင်ဘာလ(ပထမပတ်)တို့တွင် စတင်ထွက်ရှိ၍ ဒီဇင်ဘာလ(တတိယ ပတ်)တွင် လှိုင်လှိုင်ထွက်ရှိပါသည်။ ကျောက်ပန်းတောင်းမြို့နှင့်ထိဆက်လျက်ရှိသောကျေးရွာများနှင့် မြို့နယ်တွင်းကျေးရွာများရှိ တောင်သူများ က မြို့ပေါ်ရှိ ပွဲရုံများသို့လာရောက်၍ အရောင်းအဝယ်ပြုလုပ်ကြပါသည်။
၂၀၂၂ခုနှစ်၊ ဒီဇင်ဘာလ(ပထမပတ်)တွင် ပဲစင်းငုံ(မိုး)၁တင်းလျှင် ၅၄၀၀၀/-ကျပ်ဖြင့် စတင်အရောင်းအဝယ်ပြုလုပ်ခဲ့ကြပြီး ဧပြီလတွင် ပဲစင်းငုံ(မိုး)၁တင်းလျှင် ၇၆၀၀၀/-ကျပ်ထိဈေးမြှင့်တက်လာခဲ့ရာ ယခု ပဲစင်းငုံ(မိုး)၁တင်းလျှင် ၈၀၀၀၀/-ကျပ်ဈေးနှုန်းဖြင့် အရောင်းအဝယ် ပြုလုပ်လျက်ရှိပါသည်။
ကျောက်ပန်းတောင်းမြို့နယ်တွင် (၂၀၂၁-၂၀၂၂) ခုနှစ်၌ ပဲစင်းငုံ(မိုး)စိုက်ဧက (၁) ဧကလျှင် ၂၂၂၀၀၀ကျပ်ကျသင့်ပြီး (၁) ဧကလျှင် ပျမ်းမျှ အထွက်တင်း (၁၁.၅၀) တင်းထွက်ရှိခဲ့ပါသည်။ပဲစင်းငုံ(မိုး)၁တင်းလျှင် ၅၄၀၀၀/-ကျပ်ဖြင့်ရောင်းချခဲ့ရာ (၁)ဧကလျှင် (၆၂၁၀၀၀၀/-) ကျပ်ရရှိ၍ တောင်သူအကျိုးအမြတ် (၃၉၉၀၀ဝိ/-) ကျပ်ရရှိစေပါသည်။ ဒေသထွက်ပဲစင်းငုံ(မိုး)များကို ရန်ကုန်သို့ အဓိက တင်ပို့ရောင်းချလျက်ရှိပါသည်။
ထို့ကြောင့် တောင်သူအကျိုးအမြတ်ရှိစေသည့်အပြင် ထွက်ရှိလာသောပဲစင်းငုံအခွံ၊ အမှော်များကို တိစ္ဆာန်အစာအဖြစ်အသုံးပြုကြခြင်း၊ ပဲစင်းငုံအရိုးများကို လှောင်စာအဖြစ် အသုံးပြုလျက်ရှိကြခြင်း၊ ပရိုတင်းဓာတ်ကြွယ်ဝသောပဲစင်းငုံ(မိုး)ကို ဒေသတွင်းစားသုံးမှုလည်း ပြုလုပ်ကြ ပါသည်။ ပဲစင်းငုံ(မိုး)အား ပြည်ပတင်ပို့မှုပိုမိုပြုလုပ်မည်ဆိုပါက တောင်သူ၊ ကုန်သည်၊ ပွဲစားများအတွက် အကျိုးအမြတ်ရရှိစေခြင်း၊ နိုင်ငံခြားဝင်ငွေပိုမိုရရှိစေခြင်း၊ ဒေသတွင်းလုပ်သားများ အလုပ်အကိုင်အခွင့်အလမ်းပိုမိုရရှိစေခြင်းစသည့် အကျိုးကျေးဇူးများရရှိစေသည့် အတွက် ပဲစင်းငုံ(မိုး)သီးနှံအား ပိုမိုတိုးချဲ့စိုက်ပျိုးမည်ဆိုပါက စိုက်ပျိုးသင့်ပါကြောင်း လေ့လာသိရှိရပါသည်။
DOCA(မန္တလေး)