မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် စားသုံးသူရေးရာဦးစီးဌာန၊ ချောက်မြို့နယ်တာဝန်ခံနှင့် ဝန်ထမ်းများသည် (၂၄-၅-၂၀၂၃) ရက်နေ့၊ နံနက် (၁၀း၀၀) နာရီအချိန်တွင် စလေမြို့ရှိ စားသောက်ကုန်လုပ်ငန်းထုတ်လုပ်/ဖြန့်ဖြုးရောင်းချနေသော လုပ်ငန်းရှင်များနှင့်တွေ့ဆုံ၍ စားသုံးသူဘေးအန္တရာယ်ကင်းရှင်းစေရေးနှင့် ကုန်အညွှန်းအမှတ်အသားများပြည့်စုံစွာဖော်ပြမှုရှိ/မရှိတို့ကို ကွင်းဆင်းစစ်ဆေး၍ အသိပညာပေးခြင်းများဆောင်ရွက်ခဲ့ပါသည်။
ထို့သို့ အသိပညာပေးရာတွင် စားသုံးသူရေးရာဦးစီးဌာန၊ ချောက်မြို့နယ်တာဝန်ခံ ဒေါ်မြတ်မြတ်မိုးနှင့် ဒေါ်ချိုဝေလွင်(ဒု-ဦးစီးမှူး)တို့က “Jamjel” ဇီးဖျော်ရည်လုပ်ငန်း၊ “အိုးစည်”ဇီးလုပ်ငန်း၊ “ရှေ့သို့”ဇီးယိုလုပ်ငန်း၊ “ပွင့်ကောင်း”စားသောက်ကုန်လုပ်ငန်းတို့မှ လုပ်ငန်းရှင်များအား စားသုံးသူကာကွယ်ရေးဥပဒေ ၂၀၁၉ပါ ကုန်အညွှန်းအမှတ်အသားဖော်ပြခြင်းနှင့်အညီ ထုတ်လုပ်ဖြန့်ဖြူးရောင်းချရေးနှင့် ဈေးကွက်အတွင်း ဝယ်ယူသုံးစွဲနေကြသောစားသုံးသူများအနေဖြင့် ဘေးအန္တရာယ်ကင်းရှင်းစွာသုံးစွဲနိုင်ရေးအတွက် အသိပညာပေးရှင်းလင်းဆွေးနွေးပြောကြားခဲ့ပြီး ဌာနမှထုတ်ပြန်ထားသောဥပဒေအကြောင်းအရာများကို ရှင်းလင်းပြောကြားခဲ့ပါသည်။
DOCA(မကွေး)