ညောင်ဦးမြို့နယ်တွင် ၂၀၂၃ ခုနှစ်၊ မေလတတိယပတ်မှ စတင်၍ မိုးသီးနှံများဖြစ်သော ပဲတီစိမ်း၊ ပဲစင်းငုံ၊ မြေပဲ၊ နှမ်းစသည့်သီးနှံများကို တောင်သူများ စတင်စိုက်ပျိုးလျက်ရှိပါသည်။ ယခုနှစ်တွင်သီးနှံများ စိုက်ပျိုးမှုလျာထားချက်များအနေဖြင့် ပဲတီစိမ်း(၁၇၁၈၀)ဧက၊ ပဲစင်းငုံသီနှံ(၁၂၂၉၀)ဧက၊ မြေပဲ (၉၂၁၀၁)ဧက၊ နှမ်း(၁၅၅၄၀)ဧကတို့ လျာထားပြီး စိုက်ပျိုးပြီးစီးမှုအနေဖြင့် ပဲတီစိမ်း (၁၈၈၂)ဧက၊ ပဲစင်းငုံ(၁၃၀၉)ဧက၊ မြေပဲ(၂၉၂၆)ဧက၊ နှမ်း(၁၄၀၄)ဧကတို့ စိုက်ပျိုးပြီးဖြစ်ကြောင်း၊ ယခင်နှစ်စိုက်ပျိုးမှုတွင် လျာထားချက်ထက် ပဲတီစိမ်း(၂၆၇၆)ဧက၊ ပဲစင်းငုံ(၄၀၀)ဧက၊ မြေပဲ (၈၃၄၉)ဧကနှင့် နှမ်း(၂၄၅၈)ဧကတို့ ပိုမိုစိုက်ပျိုးနိုင်ခဲ့ပြီး ပဲစင်းငုံသီးနှံမှာ ဈေးကောင်းရရှိသည့်အတွက် ယခင်နှစ်ထက် ပိုမိုစိုက်ပျိုးကြမည်ဖြစ်ကြောင်းနှင့် တောင်သူအများစုမှာ ဆီထွက်သီးနှံဖြစ်သောမြေပဲကို ပိုမို က်ပျိုးကြပြီး နှစ်စဉ်ဧက (၁)သိန်းကျော် စိုက်ပျိုးကြကြောင်း စိုက်ပျိုးရေးဦးစီးဌာနမှ သိရှိရ ါသည်။
ယခုနှစ် သီးနှံမျိုးဈေးများအနေဖြင့် ပဲတီစိမ်းတစ်ပြည်လျှင် (၄၀၀၀)ကျပ်၊ ပဲစင်းငုံတစ်ပြည် လျှင်(၆၀၀၀)ကျပ်၊ မြေပဲတစ်ပြည်လျှင် (၄၅၀၀)ကျပ်နှုန်းများဖြင့် ဝယ်ယူစိုက်ပျိုးလျက်ရှိပါသည်။ သီးနှံဈေးနှုန်းများအနေဖြင့် ပဲတီစိမ်းတစ်တင်းလျှင် (၅၉၀၀၀)ကျပ်၊ ပဲစင်းငုံတစ်တင်းလျှင်(၉၃၁၀၀) ကျပ်၊ ပင်ထောင်မြေပဲ တစ်တင်းလျှင်(၆၈၀၀၀)ကျပ်၊ ပင်ပြန့်မြေပဲ တစ်တင်းလျှင်(၆၇၀၀၀)ကျပ်၊ နှမ်းဖြူတစ်တင်းလျှင် (၁၁၀၀၀၀)ကျပ်နှင့် နှမ်းညိုတစ်တင်းလျှင် (၉၀၀၀၀)ကျပ်နှုန်းများဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။
DOCA (မန္တလေး)