စားသုံးသူရေးရာဦးစီးဌာနအနေဖြင့် ဌာန၏ရည်မှန်းချက်တစ်ခုဖြစ်သည့် စားသုံးသူများ လုံခြုံစိတ်ချရသောကုန်စည်များကို ဝယ်ယူသုံးစွဲနိုင်ရန်အတွက် ဈေးကွက်စောင့်ကြည့်စစ်ဆေးခြင်းလုပ်ငန်းများအား ဆောင်ရွက်လျက်ရှိရာ ကသာခရိုင်ဦးစီးမှူးရုံးမှ စစ်ဆေးရေးမှူး ဦးကြည်နိုင်ဦး(ဦးစီးမှူး)နှင့်အတူ ဌာနမှဝန်ထမ်းများသည် (၆-၆-၂၀၂၃) ရက်နေ့တွင် ကသာမြို့၊ အမှတ် (၄) ရပ်ကွက်ရှိ “ငွေဖြိုး” စားသောက်ကုန်မျိုးစုံအရောင်းဆိုင်အား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ပါသည်။
စစ်ဆေးရာတွင် အဓိကအနေဖြင့် ကုန်စုံဆိုင်တွင်ရောင်းချလျက်ရှိသော စားသောက်ကုန်များနှင့်ကုန်ပစ္စည်းများတွင် စားသုံးသူကာကွယ်ရေးဥပဒေ ၂၀၁၉တွင်ပါဝင်သည့် ကုန်အညွှန်းအမှတ်အသားများအား မြန်မာစာဖြင့် ပြည့်စုံစွာဖော်ပြထားခြင်းရှိ/မရှိ၊ သက်တမ်းလွန်စားသောက်ကုန်များနှင့် သက်ဆိုင်ရာဌာနများမှ သုံးစွဲရန်မသင့်ဟု ထုတ်ပြန်ထားသည့် စားသောက်ကုန်များရောင်းချမှုရှိ/မရှိတို့ကိုစစ်ဆေးခဲ့ပြီး ရောင်းချသူဆိုင်ရှင်အား စားသုံးသူများအန္တရာယ်ဖြစ်စေနိုင်သည့် သက်တမ်းလွန်စားသောက်ကုန်များနှင့် တားမြစ်စားသောက်ကုန်များအား ရောင်းချခြင်းမပြုရန်နှင့် စားသုံးသူကာကွယ်ရေးဥပဒေ ၂၀၁၉ပါ စီးပွားရေးလုပ်ငန်းရှင်များလိုက်နာရမည့်တာဝန်များအား သိရှိလိုက်နာရန် ရှင်းလင်းဆွေးနွေးမှာကြားခဲ့ကြောင်း သိရှိရပါသည်။
DOCA(စစ်ကိုင်း)