မကွေးတိုင်းဒေသကြီး၊ စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံးမှ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု Thursday Talk(၆/၂၀၂၃)အား (၈-၆-၂၀၂၃)ရက်နေ့၊ နေ့လယ်(၁၄:၀၀)နာရီအချိန်တွင် ပခုက္ကူခရိုင်ဦးစီးမှူးရုံး၏ (CICC) ခန်းမ၌ တိုင်းဒေသကြီးဦးစီးမှူး၏ လမ်းညွှန်ချက်အရ ပခုက္ကူခရိုင်ဦးစီးမှူး၏ကြီးကြပ်မှုဖြင့် (၂)ပိုင်းခွဲ၍ ကျင်းပပြုလုပ်ဆောင်ရွက်ခဲ့ပါသည်။ ထိုသို့ပြုလုပ်ဆောင်ရွက်ခြင်းသည် ဝန်ထမ်းများအား စွမ်းဆောင်ရည်မြှင့်မားပြီး လုပ်ငန်းဆောင်ရွက်ချက်များကို အောင်မြင်စွာလုပ်ကိုင်ဆောင်ရွက်တတ်စေရန်ရည်ရွယ်၍ ပြုလုပ်ဆောင်ရွက်ခြင်းဖြစ်ပြီး ဒုတိယပိုင်းအနေဖြင့် ဒု-ဦးစီးမှူး ဒေါ်နွယ်နွယ်အေးနှင့် အငယ်တန်းစာရေး ဒေါ်ခိုင်ဇင်ကျော်တို့က ရှင်းလင်းဆွေးနွေးခဲ့ပါသည်။
ဒု-ဦးစီးမှူး ဒေါ်နွယ်နွယ်အေးက စားသုံးသူကာကွယ်ရေးဥပဒေ ၂၀၁၉၊ အခန်း(၂၃)၊ တားမြစ်ချက်များနှင့် အခန်း(၂၄)၊ ပြစ်မှုနှင့်ပြစ်ဒဏ်များကို ဟောပြောဆွေးနွေးရာတွင် စီးပွားရေးလုပ်ငန်းရှင်များသည် ကုန်စည်နှင့်ဝန်ဆောင်မှုနှင့်ပတ်သက်သည့် ကြော်ငြာခြင်း၊ အရောင်းမြှင့်တင်ခြင်းများပြုလုပ်ရာတွင် ဥပဒေပါတားမြစ်ချက်များ၊ ကုန်စည်များဝယ်ယူရာတွင် ထင်ယောင်ထင်မှားဖြစ်စေခြင်း၊ လိမ်လည်လှည့်ဖြားခြင်းများမပြုလုပ်ရန်၊ ဥပဒေပါ လိုက်နာရမည့် တားမြစ်ချက်များနှင့် ပြစ်မှုပြစ်ဒဏ်များကို အလွယ်တကူမှတ်သားနိုင်ရန် ကျယ်ကျယ်ပြန့်ပြန့်ရှင်းလင်းဆွေးနွေးခဲ့ပါသည်။
ဆက်လက်၍ အငယ်တန်းစာရေး ဒေါ်ခိုင်ဇင်ကျော်က စားသုံးသူကာကွယ်ရေးနည်းဥပဒေ အခန်း(၁)မှ အခန်း(၄)ထိ ဟောပြောဆွေးနွေးရာ စားသုံးသူကာကွယ်ရေးနည်းဥပဒေ၏ အဓိပ္ပါယ်ဖော်ပြချက်များ၊ စားသုံးသူကာကွယ်ရေးလုပ်ငန်နှင့်စပ်လျဉ်း၍ သုတေသနပြုခြင်း၊ ကော်မရှင်ဖွဲ့စည်းခြင်းတွင် ပါဝင်သည့်ဌာနဆိုင်ရာများနှင့် လုပ်ငန်းကော်မတီဖွဲ့စည်းခြင်းတွင် ပါဝင်သည့်အဖွဲ့အစည်းများ စသည်တို့ကို အသေးစိတ်ရှင်းလင်းဆွေးနွေးခဲ့ပါသည်။
DOCA(မကွေး)