မိတ္ထီလာခရိုင်အတွင်း မိုးသီးနှံအဖြစ် နှစ်စဉ် နှမ်းမြေပဲ ၊ဝါ၊ ပဲစင်းငုံတို့ကို အဓိကစိုက်ပျိုးပြီး တချို့ကျေးရွာများတွင် ပဲတီစိမ်းကိုလည်းစိုက်ပျိုးကြပါသည်။ ယခုအခါ စားသုံးဆီဈေးကောင်းရသဖြင့် နေကြာဆီမှာလည်း ကျန်းမာရေးအရ ကောင်းမွန်ခြင်းကြောင့် စားသုံးမှုများပြားလာရာ စိုက်ပျိုးမှုလည်းများပြားလာပါသည်။ (၂၀၂၃-၂၀၂၄) ဘဏ္ဍာနှစ်အတွက် မိတ္ထီလာခရိုင်တွင် မိုးသီးနှံစိုက်ပျိုးရန်လျာထားချက်မှာ မိုးနှမ်း (၉၉၄၀၉) ဧက၊ မိုးနေကြာ (၄၅) ဧက၊ မိုးကြိုဝါ (၂၇၃၂) ဧက၊ မိုးဝါ (၂၅၇၄) ဧက၊ မိုးကြိုပဲတီစိမ်း (၉၆၈၂) ဧက၊ မိုးပဲတီစိမ်း (၃၉၄၅) ဧက၊ ပဲစင်းငုံ (၂၁၄၇၃) ဧက၊ ပဲနှောက် (၈၃၁) ဧကရှိကြောင်း သက်ဆိုင်ရာစာရင်းများအရ သိရပါသည်။ မိုးသီးနှံများတွင် မိုးနှမ်းကို မလှိုင်မြို့နယ်တွင် ဧက (၆) သောင်းခန့်နှင့် အများဆုံးစိုက်ပျိုးပါသည်။ ဝမ်းတွင်းမြို့နယ်၌ မိုးသီးနှံဝါကို ဧက (၂၅၀၀) ကျော်၊ ပဲတီစိမ်းဧက (၂၂၀၀) ခန့်နှင့် အများဆုံးစိုက်ပျိုးကြောင်း သိရပါသည်။ ပဲနှောက်မှာ ပဲတီစိမ်းနှင့်ဆင်တူပြီး မလှိုင်မြို့နယ်တွင် ဧက (၆၀၀) ကျော်ဖြင့် အစဉ်အလာမပျက်စိုက်ပျိုးကြောင်း သိရသည်၊၊ မိတ္ထီလာခရိုင်အတွင်း မေလလယ် မုန်တိုင်းမိုးမှစတင်၍ ရွာသွန်းခဲ့ပြီး ဇွန်လဆန်းတွင် မိုးရွာသွန်းခြင်းကြောင့် သီနှံပင်များဖြစ်ထွန်းအားကောင်းနိုင်ကြောင်း တောင်သူများထံမှ သိရပါသည်။
DOCA(မန္တလေး)