ကယားပြည်နယ်တွင် အာလူးကို လူမျိုးဘာသာမရွေးစားသုံးကြပြီး စားဖိုဆောင်သီးနှံ အနေဖြင့် ချက်ပြုတ်စားသုံးကြပြီး မုန့်သရေစာအဖြစ် အာလူးကြော်လုပ်ငန်းများလည်း ရှိပါသည်။ အာလူးကို ယခင်က လွိုင်ကော်မြို့နယ်၊ ကုန်းသာကျေးရွာ၊ လင်ဖုံလေးကျေးရွာ၊ ဒီမော့ဆိုမြို့နယ် ၊ သေးဆူလဲကျေးရွာတို့တွင် စိုက်ပျိုးကြပါသည်။ စိုက်ဧရိယာ(၅၁၃)ဧက ရှိကြောင်း၊ ရိတ်ဧရိယာ မှာလည်း (၅၁၃) ဧကရှိကြောင်းနှင့် ထွက်ရှိမှုနှုန်းအနေဖြင့် တစ်ဧကလျှင် (၁၉၀၀.၇၉) ပိဿာရှိပြီး စုစုပေါင်းအထွက်မှာ (၉၇၅၁၀၆) ပိဿာရှိကြောင်း သက်ဆိုင်ရာဌာန၏ စာရင်းများအရ သိရှိရပါ သည်။
ဈေးနှုန်းများအနေဖြင့်လည်း ၂၀၂၃ခုနှစ် ဇွန်လ တတိယလပတ်တွင် အာလူးအကြီး၊ အသေးပေါ် မူတည်၍ တစ်ပိဿာလျှင် (၃၀၀၀) ကျပ်မှ (၃၅၀၀) ကျပ်အထိရှိပြီး ယခင်တစ်ပတ်ဈေးနှုန်းနှင့် နှိုင်းယှဉ်ကြည့်လျှင် တစ်ပိဿာလျှင် (၅၀၀) ကျပ်မှ (၈၀၀) ကျပ်အထိ မြှင့်တက်လာကြောင်း အာလူး ရောင်းသူတစ်ဦးထံမှ သိရှိရပါသည်။
DOCA(Kayah)