(၂/၂၀၂၃) ကြိမ်မြောက်၊ ရခိုင်ပြည်နယ်၊ စားသုံးသူရေးရာကော်မတီအစည်းအဝေးကို ၂၀၂၃ခုနှစ် ဇွန်လ (၂၇) ရက်နေ့၊ နေ့လယ် (၁၂:၀၀) နာရီအချိန်တွင် ရခိုင်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးတွင် ကျင်းပပြုလုပ်ခဲ့ပါသည်။
အဆိုပါအစည်းအဝေးတွင် ရခိုင်ပြည်နယ်၊ စားသုံးသူရေးရာကော်မတီအတွင်းရေးမှူး ပြည်နယ်ဦးစီးမှူး ဦးတင်ဇော်ထွန်းက အဖွင့်အမှာစကားပြောကြားပြီးနောက် (၁/၂၀၂၃) စားသုံးသူရေးရာကော်မတီအစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှုအခြေအနေ၊ (၂၀၂၃-၂၀၂၄) ဘဏ္ဍာနှစ်၊ ဧပြီလမှ ဇွန်လအထိ စားသုံးသူကာကွယ်ရေးလုပ်ငန်းများဆောင်ရွက်နိုင်မှုအခြေအနေ၊ (၂၀၂၃-၂၀၂၄) ဘဏ္ဍာနှစ်၊ ဒုတိယ (၃) လပတ်အတွင်း စားသုံးသူကာကွယ်ရေးလုပ်ငန်းများကို လျာထားချက်ပြည့်မီအောင်ဆောင်ရွက်မည့်အစီအစဉ်၊ ကုန်အညွှန်းအမှတ်အသားဖော်ပြချက်များနှင့်ကိုက်ညီမှုမရှိသောကုန်စည်များကို စားသုံးသူကာကွယ်ရေးဥပဒေ ၂၀၁၉အရ အရေးယူဆောင်ရွက်နိုင်ရေးအစီအမံအား အတည်ပြုပေးနိုင်ရေး စသည်တို့အား အမှာစာများဖြင့် ရှင်းလင်းဆွေးနွေးတင်ပြခဲ့ရာ တက်ရောက်လာကြသည့် ကော်မတီအဖွဲ့ဝင်များက အမှာစာများအား အတည်ပြုမှတ်တမ်းတင်၍ လိုအပ်သည်များကို ဝိုင်းဝန်းအကြံပြုဆွေးနွေးခဲ့ကြပြီးနောက် အစည်းအဝေးဆုံးဖြတ်ချက်များချမှတ်ခဲ့ကြပါသည်။ ထို့နောက် ကော်မတီအတွင်းရေးမှူးက နိဂုံးချုပ်အမှာစကားပြောကြားကာ အစည်းအဝေးကို နေ့လယ် (၁၃:၀၀) နာရီအချိန်တွင် ရုပ်သိမ်းခဲ့ပါသည်။
အဆိုပါအစည်းအဝေးသို့ ပြည်နယ်စားသုံးသူရေးရာကော်မတီအတွင်းရေးမှူးအပါအဝင် အဖွဲ့ဝင် (၅) ဦး၊ ပြည်နယ်ဦးစီးမှူးရုံးမှ ဝန်ထမ်း (၇) ဦး၊ စုစုပေါင်း (၁၂) ဦးတက်ရောက်ခဲ့ကြောင်း သတင်းရရှိပါသည်။
DOCA(ရခိုင်)