_1.jpg?itok=fKj2dgGe)
စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် (၃-၇-၂၀၂၃) ရက်နေ့၊ နေ့လယ် (၁၁း၃၀) နာရီအချိန်တွင် ညောင်တုန်းမြို့နယ်၊ ဂေါ်ဒူးကျေးရွာအုပ်ချုပ်ရေးမှူးရုံးတွင် ငရုတ်စိုက်ပျိုးထုတ်လုပ်တင်ပို့ ရောင်းချသူများအသင်းမှ အသင်းသား (၈၀) ဦးကို စားသုံးသူကာကွယ်ရေးဥပဒေအကြောင်းနှင့် ငရုတ်စိုက်ပျိုးထုတ်လုပ်သူများအသင်း၏ ဖွံ့ဖြိုးတိုးတက်ရေးအတွက် လိုအပ်သောအသိပညာပေးဆွေးနွေးမှုများပြုလုပ်ဆောင်ရွက်ခဲ့ပါသည်။
အဆိုပါတွေ့ဆုံဆွေးနွေးပွဲတွင် မြို့နယ်ဦးစီးမှူး ဦးအောင်လွင်က စားသုံးသူကာကွယ်ရေးဥပဒေ ၂၀၁၉ပါ ကုန်အညွှန်းအမှတ်အသားဆိုင်ရာ လိုက်နာရမည့်ဥပဒေအကြောင်း၊ ပြစ်မှုပြစ်ဒဏ်များ၊ စီးပွားရေးလုပ်ငန်းရှင်လိုက်နာရမည့်တာဝန်များနှင့် ငရုတ်စိုက်ပျိုးထုတ်လုပ်တင်ပို့ရောင်းချသူများ၏လုပ်ငန်းဖွံ့ဖြိုးတိုးတက်ရေး၊ အသင်းအဖွဲ့များရှင်သန်ရေး၊ သင်းဖွဲ့စည်းမျဉ်း၊ စည်းကမ်းများလိုက်နာဆောင်ရွက်နိုင်ရေးနှင့် ငရုတ်ဈေးကွက်ခိုင်မာမှုရှိစေရေးတို့ကို အကျယ်တဝင့်ရှင်းလင်းဆွေးနွေးခဲ့ပြီး တက်ရောက်လာသော လုပ်ငန်းရှင်များ၏ ပြန်လည်မေးမြန်းမှုများအပေါ် ရှင်းလင်းဖြေကြားခဲ့ကြောင်း သတင်းရရှိပါသည်။
DOCA(ဧရာဝတီ)