စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ရေးနှင့် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကို ဆောင်ရွက်လျက်ရှိရာ သံတွဲခရိုင်ဦးစီးမှုး ဦးဝင်းနိုင် (ဦးစီးအရာရှိ) သည် ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့တို့နှင့်ပူးပေါင်း၍ (၁၀-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် သံတွဲမြို့ပေါ်ရှိ စားသုံးဆီ (လက်ကား) အရောင်းဆိုင်များသို့သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။
ထိုသို့ ဈေးကွက်စောင့်ကြည့်စစ်ဆေးရာတွင် သံတွဲမြို့ပေါ်ရှိ စားသုံးဆီ (လက်ကား) အရောင်းဆိုင် (၄) ဆိုင်တို့ကို ကုန်အညွှန်းအမှတ်အသားပြည့်စုံစွာဖော်ပြထားမှုရှိ/မရှိနှင့် သက်ဆိုင်ရာဌာန၏ ခွင့်ပြုထောက်ခံချက်ပါရှိမှုရှိ/မရှိတို့စစ်ဆေးခဲ့ပြီး ဆိုင်ရှင်များကို ကုန်အညွှန်းအမှတ်အသားဖော်ပြမှုမရှိသောစားသုံးဆီများကို ရောင်းချခြင်းမပြုရန်နှင့် ဈေးနှုန်းမြှင့်တင်ရောင်းချမှုမပြုလုပ်ကြရန် အသိပညာပေးဆွေးနွေးခဲ့ကာ မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသော (၂/၂၀၁၉) ပါ ကုန်အညွှန်းအမှတ်အသားဖော်ပြချက်နှင့်စပ်လျဉ်း၍ အသေးစိတ်ပါရှိရမည့်အချက်များဖော်ပြထားသော အသိပညာပေးလက်ကမ်းစာစောင်များကို ဆိုင်ရှင်များကိုဖြန့်ဝေပေးခဲ့ကြောင်းသိရှိရပါသည်။
DOCA(ရခိုင်)