ပဲခူးတိုင်းဒေသကြီး ၊ ပြည်ခရိုင်၊ ရွှေတောင်မြို့နယ်တွင် မိုးစပါးများ စတင် ရိတ်သိမ်းနေပြီဖြစ်ပါသည်။ ပြည်ခရိုင်အနေဖြင့် မိုးစပါးစိုက်ဧက (၃၈၂၆၀၉) စိုက်ပျိုးနိုင်ခဲ့ပြီး ရွှေတောင်မြို့တွင် (၅၈၁၆၂) ဧက စိုက်ပျိုးကြောင်း သိရှိရပါသည်။
(၉ . ၁၁ . ၂၀၂၁) ရက်နေ့တွင် စားသုံးသူရေးရာဦးစီးဌာန ရွှေတောင်မြို့နယ် တာဝန်ခံ နှင့် အဖွဲ့သည် မင်းကွန်းအုပ်စု ၊ မင်းကွန်း ကျေးရွာရှိ ကွင်းအမှတ် - B.43 ရှိ မှော်ဘီစပါး (၁၀) ဧက စိုက်ပျိုးသော တောင်သူ ဦးအောင်ဇော်မိုး ၏ လယ်သို့ ကွင်းဆင်းရာ စပါးထွက်ရှိမှုအနေဖြင့် တစ်ဧကလျှင် (၆၅)တင်း ထွက်ရှိကြောင်း၊ စက်အရောက် စျေးမှာ (၄၆) ပေါင် တင်း (၁၀၀) လျှင် (၅၈၀၀၀၀) ကျပ်စျေးဖြင့် ရောင်းချကြောင်း သိရှိရပါသည်။
စပါးစျေးနှုန်းများအနေဖြင့် ယခင်နှစ် မိုးစပါးပေါ်စတွင် (၄၆)ပေါင် တင်း (၁၀၀)လျှင် (၅၆၀၀၀၀) ကျပ်စျေးရှိပြီး ယခုနှစ်တွင် (၅၈၀၀၀၀) ကျပ်စျေးရှိ၍ ယခင်နှစ်ထက် စျေးပိုမိုရရှိသော်လည်း ယခုနှစ် အနေဖြင့် သွင်းအားစုများဖြစ်သည့် ဓာတ်မြေသြဇာစျေးနှုန်းများ မြင့်လာခြင်း၊ စက်သုံးဆီ ၊ ဒီဇယ်ဆီ ၊ ဓာတ်ဆီစျေး မြင့်တက်ခြင်း ၊ စပါးရိတ်သိမ်းခြွေလှေ့ခများ ကြီးမြင့်လာခြင်းတို့ကြောင့် ယခုထက်ပိုမို၍ စျေးကောင်းပိုမိုရရှိနိုင်ရေး မျှော်လင့်လျက်ရှိပါကြောင်း သတင်းရရှိပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)