![](http://www.doca.gov.mm/sites/default/files/styles/consumer_inner_image__847x424_/public/837.jpg?itok=3nidTXAU)
ကျောက်ဆည်ခရိုင်သည် စပါး၊ ပဲ၊ ပြောင်းနှင့် ဆီထွက်သီးနှံများကို အဓိကထားစိုက်ပျိုးလျက်ရှိပြီး ၎င်းသီးနှံများအနက် ဆီထွက်သီးနှံတစ်မျိုးဖြစ်သော မိုးမြေပဲသီးနှံကိုလည်းစိုက်ပျိုးလျက်ရှိရာ ကျောက်ဆည်မြို့နယ်တွင် (၃၀၈)ဧက၊ စဉ့်ကိုင်မြို့နယ်တွင် (၃၁) ဧက၊ မြစ်သားမြို့နယ်တွင် (၈၁၁)ဧက၊ စုစုပေါင်း (၁၁၅၀)ဧကစိုက်ပျိုးပြီးစီးကြောင်း၊ ရိတ်သိမ်းမှုအနေဖြင့် မိုးမြေပဲကို ကျောက်ဆည်မြို့နယ်တွင်(၂၄၀)ဧက၊ စဉ့်ကိုင်မြို့နယ်တွင် (၂၁)ဧက၊ မြစ်သားမြို့နယ်တွင် (၁၅၃) ဧက၊ စုစုပေါင်း (၄၁၄)ဧကရိတ်သိမ်းပြီးဖြစ်ကြောင်း ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။ မိုးမြေပဲကို မတ်လနှင့်ဧပြီလတို့တွင် စတင်စိုက်ပျိုးကြပြီး စိုက်ပျိုးရာ၌ မျိုးအနေဖြင့် (၁)ဧကလျှင် မြေပဲအတောင့်ကိုစိုက်ပျိုးပါက (၄)တင်းခန့်ကုန်ကျကြောင်း၊ အစေ့ကိုစိုက်ပျိုးလျှင် (၁.၅)တင်းခန့်ကုန်ကြပြီး (၁)ဧကကုန်ကျစရိတ်အနေဖြင့် မျိုး၊ ထွန်ယက်ခ၊ လုပ်သားခအပါအဝင် စုစုပေါင်း (၅၀၀၀၀၀-/)ကျပ်ခန့်ကုန်ကြကြောင်း၊ (၁)ဧကလျှင် ပျမ်းမျှအထွက်နှုန်းအနေဖြင့် (၄၀)တင်းခန့်ထွက်ရှိကြောင်းသိရှိရပါသည်။ မြေပဲဈေးနှုန်းအနေဖြင့် ၂၀၂၃ခုနှစ်၊ အောက်တိုဘာလ စတုတ္ထပတ်တွင် မြေပဲတောင့်(၁)တင်းလျှင်(၃၅၀၀၀/)ကျပ်၊ မြေပဲဆန်(၁)တင်းလျှင် (၅၇၀၀၀/)ကျပ်နှင့် မြေပဲဆီ(၁)ပိဿာလျှင် (၁၃၇၀၀/)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။ မိုးမြေပဲစိုက်ပျိုးရာတွင် ကုန်ကျစရိတ်သက်သာပြီး အကျိုးအမြတ်များရရှိသည့်အပြင် ပြည်တွင်းစားသုံးဆီဖူလုံရုံသာမက တောင်သူများတွက်ချေကိုက်သီးနှံဖြစ်၍ မြေပဲသီးနှံကိုပိုမိုတိုးချဲ့စိုက်ပျိုးသင့်ကြောင်း ရေးသားတင်ပြလိုက်ရပါသည်။
DOCA(မန္တလေး)