တောင်ငူမြို့သို့ စစ်ကိုင်းတိုင်းဒေသကြီး၊ မုံရွာဒေသမှထွက်သော ဖရဲသီးများလာရောက် ရောင်းချကြပါသည်။ ကားတစ်စီးလျှင် ဖရဲသီးအလုံး ၃၅၀၀ တင်ဆောင်လာပါသည်။
၎င်းဖရဲသီးများကို ညောင်ပင်ဈေးတွင် အထိုင်ရောင်းချသကဲ့သို့ မော်တော်ယာဉ်ငယ်ဖြင့် လည်း လူစည်ကားရာနေရာများသို့ လှည့်လည်ရောင်းချရာ အကြီးတစ်လုံးလျှင် ၂၀၀၀ ကျပ်မှ ၂၅၀၀ ကျပ်၊ အလတ်တစ်လုံးလျှင် ၁၀၀၀ ကျပ်မှ ၁၅၀၀ ကျပ်နှင့် အလုံးသေး တစ်လုံးလျှင် ၅၀၀ ကျပ်မှ ၈၀၀ ကျပ်အထိ ရောင်းချပါသည်။
မုံရွာဖရဲသီးမှာ ဒေသထွက်ဖရဲသီးထက် အရသာကောင်းမွန်သဖြင့် လူကြိုက်များပြီး ရောင်းအားကောင်းကြောင်း သိရပါသည်။
DOCA(ပဲခူး)