၂၀၂၃ ခုနှစ် အောက်တိုဘာလ စတုတ္ထပတ်၌ ကြက်သွန်နီအလတ်စတစ်ပိဿာ ၃၀၀၀ ကျပ်၊ ကြက်သွန်ဖြူ (ရှမ်းအလတ်) တစ်ပိဿာ ၈၀၀၀ ကျပ်၊ ငရုတ်ခြောက် တစ်ပိဿာ ၁၂၀၀၀ ကျပ်၊ ကြက်သား (P) တစ်ပိဿာ ၉၀၀၀ ကျပ်၊ ဝက်သား (၃-ထပ်သား) တစ်ပိဿာ ၂၀၀၀၀ ကျပ်၊ အမဲသား တစ်ပိဿာ ၁၆၀၀၀ ကျပ်၊ ဆိတ်သားတစ်ပိဿာ ၂၀၀၀၀ ကျပ်၊ ငါးမြစ်ချင်း (ခုတ်သား) တစ်ပိဿာ ၁၂၀၀၀ ကျပ်၊ ကြက်ဥ တစ်လုံး ၂၅၀ ကျပ်၊ ဘဲဥ တစ်လုံး ၃၅၀ ကျပ် ဈေးရှိကြောင်းသိရသည်။ ယခင်တစ်ပတ်နှင့် နှိုင်းယှဉ်ပါက ကြက်သွန်နီ၊ ကြက်သွန်ဖြူတို့မှာ လက်ကျန်နည်းသော်လည်း ဝယ်လို အားနည်းသဖြင့် ဈေးငြိမ်နေပါသည်။ ငရုတ်သီးနှံမှာ အမှည့်စိုများပြီး ခူးဆွတ်လုပ်သားရရန်ခက်ခဲသဖြင့် ကျဈေးဖြင့် ဈေးငြိမ်နေကာ ကြက်ဥ၊ ဘဲဥများမှာ ယခင် အောက်တိုဘာလလယ်က ဈေးအနည်းငယ် ကျဆင်းခဲ့သော်လည်း ယခုဈေးပြန်မြင့်လာကြောင်း ဈေးကွက်မှ သိရသည်။
DOCA(မန္တလေး)