မကွေးတိုင်းဒေသကြီး၊ ပခုက္ကူခရိုင်စီမံအုပ်ချုပ်ရေးအဖွဲ့၏ဦးဆောင်မှုဖြင့် စားသုံးသူရေးရာဦးစီးဌာနမှကြီးကြပ်၍ ပခုက္ကူမြို့ပေါ်ရှိ စားသုံးဆီ လက်လီ/လက်ကားရောင်းချသော "ထွန်း" ဆီစက်၊ "ဆင်မင်း" ဆီစက်၊ "ပြည့်ဖြိုး" စားသုံးဆီရောင်းဝယ်ရေး၊ "SSS" ဆီစက်၊ "ဂရိတ်" ဆီစက်၊ "အောင်မြင်ခြင်း" စားသုံးဆီရောင်းဝယ်ရေး"၊ ကိုသော်ဇင်ထွန်း " စားသုံးဆီရောင်းဝယ်ရေး စသည့် လက်လီ/ လက်ကားရောင်းချသော ဆီလုပ်ငန်းရှင်/ဆီကုန်သည်တို့သည် စားသုံးသူပြည်သူများထံသို့ စားအုန်းဆီများကို ဈေးနှုန်းသက်သာစွာရောင်းချပေးသွားမည်ဖြစ်ကြောင်းသိရှိရပါသည်။
ထိုသို့ရောင်းချရာ (၃၁-၁၀-၂၀၂၃) ရက်နေ့တွင် အမှတ်(၂)ရပ်ကွက်နှင့် အမှတ်(၄)ရပ်ကွက်ရှိ အိမ်ထောင်စု(၁၆၅၀)စုအတွက် စားအုန်းဆီပိဿာ(၁၆၅၀)ပိဿာအားလည်းကောင်း၊ (၁-၁၁-၂၀၂၃)ရက်နေ့တွင် အမှတ်(၅)ရပ်ကွက်နှင့် အမှတ်(၆)ရပ်ကွက်ရှိ အိမ်ထောင်စု(၁၆၅၀)စုအတွက် စားအုန်းဆီပိဿာ (၁၆၅၀)ပိဿာအားလည်းကောင်း၊ (၂-၁၁-၂၀၂၃)ရက်နေ့တွင် အမှတ်(၇)ရပ်ကွက်နှင့် အမှတ်(၈)ရပ်ကွက်ရှိ အိမ်ထောင်စု(၁၆၅၀)စုအတွက် စားအုန်းဆီပိဿာ(၁၆၅၀)ပိဿာအားလည်းကောင်း၊ (၃-၁၁-၂၀၂၃) ရက်နေ့တွင် အမှတ်(၁)ရပ်ကွက်နှင့် အမှတ်(၃)ရပ်ကွက်ရှိ အိမ်ထောင်စု(၁၆၅၀)စုအတွက် စားအုန်းဆီပိဿာ (၁၆၅၀)ပိဿာအားလည်းကောင်း ဈေးကားဖြင့်အိမ်ထောင်စုတစ်ခုလျှင် တစ်ပိဿာနှုန်း တိုက်ရိုက်ရောင်းချပြီး စားအုန်းဆီတစ်ပိဿာလျှင် ကျပ်(၄၇၀၀)နှုန်းဖြင့် အိမ်ထောင်စု(၆၆၀၀)စုအတွက် စားအုန်းဆီပိဿာပေါင်း (၆၆၀၀)ပိဿာဖြန့်ဖြူးရောင်းချသွားမည်ဖြစ်ကြောင်းသိရှိပါသည်။
DOCA(မကွေး)