![](http://www.doca.gov.mm/sites/default/files/styles/consumer_inner_image__847x424_/public/116.png?itok=W5n4jD74)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ရန်ကုန်မြို့တော်စည်ပင်သာယာရေးကော်မတီ (ဈေးများဌာန)၊ မြို့နယ်အထွေထွေ အုပ်ချုပ်ရေးဦးစီးဌာနတို့နှင့်ပူးပေါင်းကာ ဈေးကွက်အတွင်းရောင်းချနေသော စားအုန်းဆီများနှင့်ပတ်သက်၍ စားအုန်းဆီများ ရည်ညွှန်းဈေးနှုန်းထက် ဈေးနှုန်းအဆမတန် မြှင့်တင်ရောင်းချနေခြင်း၊ သိုလှောင်ထားခြင်း၊ အလေးအချိန်မှန်ကန်စွာရောင်းချခြင်းနှင့် စားသုံးသူပြည်သူတစ်ဦးလျှင် ၂၅ကျပ်သားသာရောင်းချနေခြင်းရှိ/မရှိတို့ကို စိစစ် ထိန်းကျောင်းဆောင်ရွက်လျက်ရှိရာ (၅-၁၁-၂၀၂၃) ရက်နေ့တွင် ဒေါ်လဲ့လဲ့ဌေး (ဒု-ဦးစီးမှူး) နှင့် ဒေါ်ခိုင်မြတ်မွန်ထွန်း (အငယ်တန်းစာရေး) တို့က ဗိုလ်တထောင်ခရိုင်အတွင်းရှိ ပုဇွန်တောင်မြို့နယ်၊ ပုဇွန်တောင်ဈေးတွင်လည်းကောင်း၊ ဗိုလ်တထောင်မြို့နယ်၊ ဘိုကလေးဈေးတွင်လည်းကောင်း၊ ဒေါပုံမြို့နယ်၊ ဒေါပုံဈေးတွင်လည်းကောင်း၊ သာကေတမြို့နယ်၊ အမှတ်(၂)ဈေးတွင်လည်းကောင်း၊ မင်္ဂလာတောင်ညွန့်မြို့နယ်၊ သိမ်ဖြူဈေးနှင့် တောင်ညွှန်ဈေးတို့တွင်လည်းကောင်း စုစုပေါင်းဆိုင်ခန်း(၆)ဆိုင်တို့အား ကွင်းဆင်းစစ်ဆေးခဲ့ရာ စားအုန်းဆီ ၁ပိဿာကို (၄၈၀၀ / ၄၈၅၀ / ၄၉၀၀) ကျပ်နှုန်းဖြင့် (သယ်ယူစရိတ်အပေါ်မှုတည်၍) တစ်ဦးလျှင် ၅၀ကျပ်သား (သို့မဟုတ်) ၁ ပိဿာစီကို စားသုံးသူများ၏ ဝယ်ယူမှု/လိုအပ်ချက်အပေါ်မှုတည်၍ ရောင်းချပေးနေကြောင်းသိရှိရပါသည်။
DOCA(ရန်ကုန်)