စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်၍ ၂၀၂၃ခုနှစ်၊ နိုဝင်ဘာလ နောက်ဆုံးပတ်တွင် ကမာရွတ်မြို့နယ်နှင့် လှိုင်မြို့နယ်များ၌ စီးပွားရေးလုပ်ငန်းရှင်များအား စီးပွားရေးလုပ်ငန်းရှင်များနှင့်ပတ်သက်သည့် လိုက်နာရမည့်အချက်များ၊ တာဝန်များ၊ တာဝန်ယူမှု၊ တာဝန်ခံမှုတို့ကို သိရှိနားလည်အောင် အသိပညာပေးဟောပြောဆွေးနွေးခြင်းများပြုလုပ်ခဲ့ပါသည်။ ထို့နောက် ဒေါ်မြတ်မွန် (ဒု-ကြီးကြပ်ရေးမှူး) ခေါင်းဆောင်သောအဖွဲ့သည် အနောက်ပိုင်းခရိုင်အတွင်းရှိ မြို့နယ်များဖြစ်သော ကျောက်တံတားမြို့နယ်၊ အ.မ.က (၁) တွင်လည်းကောင်း၊ မရမ်းမြို့နယ်၊ အ.ထ.က (၂) နှင့် စမ်းချောင်းမြို့နယ်၊ ရှမ်းလမ်းဈေးတို့တွင် စားသောက်ကုန်များနှင့်ပတ်သက်၍ စားသုံးသူများလိုက်နာရမည့်အချက်များ၊ တာဝန်များ၊ နစ်နာဆုံးရှုံးမှုများကို စားသုံးသူများသိရှိနားလည်နိုင်စေရန် အသိပညာပေးခြင်းလုပ်ငန်းများဆောင်ရွက်ခဲ့ကြောင်း သတင်းရရှိပါသည်။
DOCA(ရန်ကုန်)