ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်ရှိ ဥသျှစ်ပင်မြို့၊ ဝိသာခါ ဆန်၊ ပဲ၊ နှမ်းပွဲရုံသို့ (၆.၁.၂၀၂၂)ရက်နေ့တွင် ပန်းတောင်းမြို့နယ် တာဝန်ခံနှင့်အဖွဲ့သည် ပဲစျေးနှုန်းစျေးကွက်နှင့် တင်ပို့မှု့အခြေအနေတို့အား သွားရောက်လေ့လာခဲ့ပါသည်။ ထိုသို့သွားရောက်လေ့လာရာတွင် လက်ရှိဖြစ်ပေါ်နေသော ပဲမျိုးစုံပေါက်စျေးနှုန်းများမှာ မတ်ပဲတစ်တင်းလျှင် ၄၂၀၀၀ ကျပ်၊ ပဲတီစိမ်း အလတ်စ တစ်တင်းလျှင် ၃၉၀၀၀ကျပ်၊ ထိပ်စတစ်တင်းလျှင် ၄၂၀၀၀ကျပ်၊ ဝါးခယ်မမျိုး တစ်တင်း လျှင် ၅၀၀၀၀ကျပ်၊ ပဲစင်းငုံတစ်တင်းလျှင် ၃၈၀၀၀ကျပ်၊ မြေပဲဆန်(အနီ) တစ်ပိဿာလျှင် ၂၆၀၀ကျပ်၊ မြေပဲဆန် (အဖြူ)တစ်ပိဿာလျှင် ၂၉၀၀ကျပ်နှင့် ဘိုကိတ်ပဲ တစ်တင်း လျှင် ၃၆၅၀၀ ကျပ်ဖြင့် ရောင်းဝယ်လျက်ရှိပါသည်။
ပန်းတောင်းမြို့နယ်တွင် ယခင်နှစ် ၂၀၂၀-၂၀၂၁ ခုနှစ်တွင်ဖြစ်ပေါ်ခဲ့သော ပဲမျိုးစုံစျေးနှုန်း များမှာ မတ်ပဲတစ်တင်းလျှင် ၃၂၀၀၀ကျပ်၊ ပဲတီစိမ်းတစ်တင်းလျှင် ၄၁၀၀၀ကျပ်၊ ပဲစင်းငုံတစ်တင်းလျှင် ၂၃၀၀၀ကျပ်၊ ဘိုကိတ်ပဲတစ်တင်းလျှင် ၃၅၀၀၀ကျပ်နှင့် မြေပဲဆန်(အနီ)တစ်ပိဿာလျှင် ၂၄၀၀ကျပ်၊ (အဖြူ)တစ်ပိဿာလျှင် ၂၆၀၀ကျပ်ဖြစ်သည့်အတွက် ယခုနှစ်အနေဖြင့် ယခင်နှစ်ထက် ပဲစျေးနှုန်းများကောင်းမွန်လျှက်ရှိကြောင်းလေ့လာတွေ့ရှိရပါသည်။
ပန်းတောင်းမြို့နယ်အနေဖြင့် မတ်ပဲ၊ ပဲတီစိမ်း၊ ပဲစင်းငုံ၊ ကုလားပဲတို့ကို စိုက်ပျိုးထုတ်လုပ်လျှက်ရှိရာ လတ်တလောတွင် ကုန်းတန်းများ၌ စောလျင်စွာစိုက်ပျိုးသော မတ်ပဲသစ်များ ခူးဆွတ်ရောင်းချလျှက်ရှိရာ စျေးနှုန်းမှာ ၄၂၀၀၀ကျပ်ခန့်ရရှိသည့်အတွက် တောင်သူများ အဆင်ပြေလျှက် ရှိကြောင်းသိရှိရပါသည်။
စားသုံးသူရေးရာဦးစီးဌာန
ပဲခူးတိုင်းဒေသကြီး