စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးရုံးအစည်းအဝေးခန်းမ၌ (၂၇-၁၂-၂၀၂၃) ရက်နေ့မှ (၂၈-၁၂-၂၀၂၃)ရက်နေ့အထိ စားသုံးသူကာကွယ်ရေးဆိုင်ရာ အသိပညာပေးသင်တန်း (၁/၂၀၂၃) ကျင်းပပြုလုပ်ခဲ့ပါသည်။
စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး ဦးမြင့်ဝင်းက အဖွင့်အမှာစကားပြောကြားခဲ့ပြီးနောက် သင်တန်းတွင် ဒုတိယတိုင်းဒေသကြီးဦးစီးမှူး ဒေါ်အေးအေးမိုး(လက်ထောက်ညွှန်ကြားရေးမှူး)က စားသုံးသူရေးရာဦးစီးဌာန၏လုပ်ငန်းတာဝန်များ၊ လက်ရှိမြေပြင်ကွင်းဆင်းဆောင်ရွက်နေသည့် အခြေအနေများနှင့်စပ်လျဉ်း၍ ဆွေးနွေးခြင်းအကြောင်းကိုလည်းကောင်း၊ စားသုံး/ထုတ်လုံကြီးကြပ်သူအရာရှိ ဒေါ်အေးမဥ္ဇူခိုင်(ဦးစီးအရာရှိ)က AI နည်းပညာနှင့်ပတ်သက်၍ ကောင်းကျိုး/ဆိုးပြစ်များအကြောင်း သိကောင်းစရာများအကြောင်းကိုလည်းကောင်း၊ စားသုံးသူရေးရာဌာနခွဲတာဝန်ခံ ဒေါ်စန္ဒာစိုးလွင်(ဦးစီးမှူး)က စားသုံးသူတိုင်ကြားမှုနှင့်စပ်လျဉ်း၍ လက်ခံဖြေရှင်းခြင်းနှင့် အရေးယူမှုဆိုင်ရာ ညွှန်ကြားချက်များကို ဆွေးနွေးခြင်းအကြောင်းကိုလည်းကောင်း အသေးစိတ်ဆွေးနွေးခဲ့ပြီးနောက် သင်တန်း၌ ဆွေးနွေးခဲ့သည်များအပေါ် မေးခွန်းများမေးမြန်းဖြေကြားနှင့် ဆုလက်ဆောင်ပေးအပ်ခြင်းအစီအစဉ်များဆောင်ရွက်ခဲ့ကြပါသည်။ အဆိုပါသင်တန်းသို့ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူး၊ ဒုတိယတိုင်းဒေသကြီးဦးစီးမှူး၊ ခရိုင်ဦးစီးမှူးများ၊ စုစုပေါင်း အရာထမ်း/ အမှုထမ်း (၃၁)ဦးတက်ရောက်ခဲ့ကြကြောင်း သတင်းရရှိပါသည်။
DOCA(မကွေး)