တရုတ်နိုင်ငံတွင် ကျင်းပပြုလုပ်ခဲ့သော ၁၄ ကြိမ်မြောက်အမျိုးသားပြည်သူ့ကွန်ဂရက်အမြဲ တမ်းကော်မတီ၏ (၇) ခုမြောက်အစည်းအဝေး၌ ၂ဝ၂၄ ခုနှစ် ဇွန်လ ၁ ရက်နေ့တွင် စတင်အကျိုး သက်ရောက်မည့် အစားအသောက်ဖူလုံမှုဥပဒေကို ပြဌာန်းခဲ့ပါသည်။ ကမ္ဘာပေါ်တွင် အစား အသောက်ရောင်းချမှုကွင်းဆက်တစ်လျှောက် စိန်ခေါ်မှုများကို ရင်ဆိုင်နေရချိန်တွင် တရုတ်နိုင်ငံ၌ အစားအသောက်ဖူလုံမှုဥပဒေကို ပြဌာန်းလိုက်ခြင်းမှာ နိုင်ငံ၏အစားအသောက်ဖူလုံမှုကို တိုးတက်စေခြင်း၊ စွန့်စားမှုအန္တရာယ်များကို ကာကွယ်နိုင်ခြင်း၊ အရေးပေါ်စီမံကွပ်ကဲနိုင်ခြင်းနှင့် စီးပွား ရေးကြံ့ကြံ့ခံနိုင်ရန် အခြေခံအုတ်မြစ်တည်ဆောက်နိုင်ခြင်းစသည်တို့ကို ဆောင်ရွက်သွားရန်ရည် ရွယ်ပါသည်။
လတ်တလောနှစ်များအတွင်း အစားအသောက်ဖူလုံရေးကိစ္စမှာ အရေးပါလာသကဲ့သို့ လူဦး ရေ ၁.၄ ဘီလီယံရှိသည့် တရုတ်နိုင်ငံသည် ပြည်တွင်းသီးနှံထုတ်လုပ်မှု၊ အာမခံနိုင်သောထုတ်လုပ်မှုစွမ်းရည်တိုးတက်စေမှု၊ သင့်တင့်မျှတစွာအစားအသောက်တင်သွင်းမှုနှင့် နည်းပညာအထောက် အပံ့တို့အပေါ်အခြေခံ၍ ပြည်တွင်းအစားအသောက် လိုအပ်ချက်ပြည့်မီစေရေးကို အလေးထား ဆောင်ရွက်လျက်ရှိပါသည်။ ထိုသို့ဆောင်ရွက်လျက်ရှိခြင်းကြောင့် တရုတ်နိုင်ငံ၏ အစားအသောက်ရောင်းချမှုမှာ တည်ငြိမ်လျက်ရှိပြီး ဈေးကွက်အတွင်း အစားအသောက်ကုန်လက်ကျန် မှာလည်း ပြည့်ဝလုံလောက်မှုရှိနေပါသည်။ တရုတ်နိုင်ငံ အမျိုးသားစာရင်းဌာန၏ ကိန်းဂဏန်း သတင်းအချက်အလက်များအရ တရုတ်နိုင်ငံ၏အစားအသောက်သီးနှံထုတ်လုပ်မှုမှာ နှစ်အလိုက် ၁.၃ ရာခိုင်နှုန်းတိုးတက်ခဲ့ပြီး ၂ဝ၂၃ ခုနှစ်တွင် (၉) နှစ်ဆက်တိုက်မြောက် စံချိန်တင်တန်ချိန် ၆၉၅.၄၁ သန်းရှိခဲ့ပါသည်။
တရုတ်နိုင်ငံတွင် ကမ္ဘာ့လူဦးရေ၏ ငါးပုံတစ်ပုံရှိသော လူဦးရေရှိပြီး ကမ္ဘာ့စိုက်ပျိုးမြေ ဧရိယာ၏ ၉ ရာခိုင်နှုန်းခန့်ကို ပိုင်ဆိုင်ထားသဖြင့် တရုတ်နိုင်ငံစီးပွားရေး၏စိန်ခေါ်မှုများနှင့် အခက် အခဲများကို ရင်ဆိုင်ဖြေရှင်းနိုင်သည်သာမက ကမ္ဘာ့စီးပွားရေးဖွံ့ဖြိုးတိုးတက်မှုအတွက်လည်း အ ထောက်အကူပြုလျက်ရှိပါသည်။ သို့ရာတွင် တရုတ်နိုင်ငံအနေဖြင့် စိန်ခေါ်မှုအချို့ဖြစ်သည့် အရည် အသွေးနိမ့်ကျသော စိုက်ပျိုးမြေဧရိယာအကန့်အသတ်နှင့်ဖြစ်နေခြင်း၊ သီးနှံထုတ်လုပ်မှုတည်ငြိမ် ရေးနှင့် အထွက်နှုန်းမြင့်မားရေးတို့အတွက် အခက်အခဲများကို တွေ့ကြုံနေရခြင်း၊ ရာသီဥတုပြင်း ထန်ခြင်းနှင့် ကမ္ဘာ့အစားအသောက် ရောင်းချမှုဈေးကွက်တွင် မသေချာမရေရာမှုများဖြစ်နေခြင်း စသည့်အခက်အခဲများကို ရင်ဆိုင်နေရလျက်ရှိပါသည်။
ကမ္ဘာ့ကုလသမဂ္ဂစားနပ်ရိက္ခာနှင့် လယ်ယာစိုက်ပျိုးရေးအဖွဲ့အစည်းမှ ထုတ်ပြန်သည့် ကမ္ဘာ့အစားအသောက်အကြပ်အတည်းအစီရင်ခံစာတွင် အစားအသောက်ဖူလုံမှုမရှိသည့်အကြပ် အတည်းကို ၂ဝ၂၁ ခုနှစ်၌ နိုင်ငံပေါင်း ၅၃ နိုင်ငံရှိ လူဦး ရေ ၁၉၃ သန်းမှာ ရင်ဆိုင်ခဲ့ရပြီး ၂ဝ၂၂ ခုနှစ် တွင် နိုင်ငံပေါင်း ၅၈ နိုင်ငံရှိ လူဦးရေ ၂၅၈ သန်းမှာ ရင်ဆိုင်လာရသဖြင့် ပိုမိုဆိုးရွားလာခဲ့ကြောင်း၊ အဆိုပါကိန်းဂဏန်းများမှာ ၇ နှစ်အတွင်း အမြင့်မားဆုံးသောကိန်းဂဏန်းဖြစ်ခဲ့ကြောင်းနှင့် ရာခိုင်နှုန်းအားဖြင့် အစားအသောက်ဖူလုံမှုမရှိခြင်းမှာ ၂ဝ၂၁ ခုနှစ်တွင် ၂၁.၃ ရာခိုင်နှုန်းသာရှိရာမှ ၂ဝ၂၂ ခုနှစ်တွင် ၂၂.၇ ရာခိုင်နှုန်းအထိ မြင့်မားလာခဲ့သဖြင့် ကမ္ဘာ့အစားအသောက်ဖူလုံမှုမရှိခြင်းမှာ ပိုမိုယိုယွင်းပျက်စီးလာခဲ့ကြောင်း သိရှိရပါသည်။ သို့ဖြစ်၍ တရုတ်နိုင်ငံအနေဖြင့် အစားအသောက် ဖူလုံမှုအတွက် ဆက်လက်ကြိုးပမ်းဆောင်ရွက်သွားရမည်ဖြစ်ပြီး ပြည်တွင်းသီးနှံရောင်းချမှု တည်ငြိမ်စေရေးနှင့် ဖူလုံစေရေးတို့အတွက် ပြင်ပပတ်ဝန်းကျင်မှ မသေချာမရေရာမှုများကို ဖြေရှင်းဆောင်ရွက်သွားရမည်ဖြစ်ပါသည်။
တရုတ်နိုင်ငံအနေဖြင့် အစားအသောက်ရောင်းချမှု ကွင်းဆက်တစ်လျှောက် အစားအသောက်ဖူလုံမှုရှိစေရန် သီးနှံဆုံးရှုံးမှုနှင့်အလေအလွင့်ကို လျှော့ချခြင်းကဲ့သို့သော အသေးစိတ် လုပ်ထုံးလုပ်နည်းများကို ချမှတ်ဆောင်ရွက်သွားရမည်ဖြစ်ပါသည်။ စားနပ်ရိက္ခာနှင့်လယ်ယာစိုက် ပျိုးရေးအဖွဲ့အစည်းက ကမ္ဘာပေါ်တွင် အစားအသောက်ထုတ်လုပ်မှုမှ လက်လီရောင်းချမှုအထိ နှစ်စဉ်အစားအသောက်ဆုံးရှုံးမှုမှာ ကမ္ဘာ့အစားအသောက်ထုတ်လုပ်မှု၏ ၁၄ ရာခိုင်နှုန်းခန့်ရှိကြောင်း ထုတ်ပြန်ခဲ့ပါသည်။ တရုတ်နိုင်ငံ၏စားနပ်ရိက္ခာဖူလုံမှုဥပဒေတွင် စားနပ်ရိက္ခာထိန်းသိမ်းမှု၊ သီးနှံထုတ်လုပ်သည့်လုပ်ငန်းစဉ်မှ စားသုံးသည့်လုပ်ငန်းစဉ်အထိ စားနပ်ရိက္ခာအလေ့အလွင့် ဖြစ်မှုကို လျှော့ချရန်အတွက် လိုအပ်ချက်များကို ချမှတ်ဆောင်ရွက်မှုစသည်တို့နှင့်စပ်လျဉ်းသည့် အခန်းတစ်ခန်းကို ထည့်သွင်းပြဌာန်းထားပါသည်။
တရုတ်နိုင်ငံသည် ပဲပုပ်စေ့နှင့်ပြောင်းတို့ကို အကြီးမားဆုံးတင်သွင်းသည့်နိုင်ငံတစ်နိုင်ငံဖြစ် ပြီး အခြားလယ်ယာထွက်ကုန်များအတွက် အကြီးမားဆုံးဈေးကွက်တစ်ခုဖြစ်ပါသည်။ စားနပ်ရိက္ခာဖူလုံမှုအတွက် ဖြစ်ပေါ်လာနိုင်သည့်စွန့်စားမှုအန္တရာယ်များကို ကိုင်တွယ်ဖြေရှင်းဆောင်ရွက်နိုင်ရန် လုံခြုံစိတ်ချရမှုရှိပြီး တည်ငြိမ်သောစားနပ်ရိက္ခာကုန်သွယ်မှုကွန်ရက်တည်ဆောက်ခြင်း လုပ်ငန်းမှာ အရေးပါသောလုပ်ငန်းတစ်ခုဖြစ်ပါသည်။
Source: Global Times, December 30th, 2023. (လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)