ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ စည်ပင်သာယာမြို့မဈေးအတွင်း/အပြင်နှင့် ရပ်ကွက်/ကျေးရွာများတွင် လက်လီ/လက်ကားရောင်းချလျက်ရှိသော စားအုန်းဆီကိုယ်စားလှယ်ဆိုင်များ၊ ကုန်ခြောက်ပစ္စည်းအရောင်းဆိုင်များမှ လက်လီပြန်လည်ဖြန့်ဖြူးရောင်းချနေသည့် စားအုန်းဆီဆိုင်များကို ညွှန်ကြားချက်နှင့်အညီ စားသုံးသူပြည်သူများ အလွယ်တကူဝယ်ယူရရှိနိုင်ရန် ဖြန့်ဖြူးရောင်းချမှုရှိ/မရှိ ဒီဇင်ဘာလ (၃၀)ရက်နေ့၊ နံနက်ပိုင်း (၈:၃၀)နာရီအချိန်တွင် တာဝန်ရှိသူများက ကွင်းဆင်းစစ်ဆေးခဲ့ကြောင်းသိရပါသည်။
ထိုသို့ကွင်းဆင်းစစ်ဆေးရာတွင် ခေတ္တမြို့နယ်၊ စီမံအုပ်ချုပ်ရေးအဖွဲ့ဥက္ကဋ္ဌ ဗိုလ်မှူးထွန်းဇော်မင်း၊ ဒုတိယမြို့နယ်စီမံအုပ်ချုပ်ရေးမှူးနှင့်ဝန်ထမ်းများ၊ မြို့နယ်ရဲတပ်ဖွဲ့မှ ဒုတိယမြို့နယ်မှူးနှင့်တပ်ဖွဲ့ဝင်များ၊ မြို့နယ်မီးသတ်ဦးစီးဌာနမှ ဦးစီးမှူး၊ မြို့နယ်စည်ပင်သာယာရေးဦးစီးဌာနမှ မြို့နယ်စည်ပင်ဈေးတာဝန်ခံနှင့် စားသုံးသူရေးရာဦးစီးဌာနမှ မြို့နယ်တာဝန်ခံတို့က ဗိုလ်ချုပ်လမ်းမကြီးပေါ်ရှိ စည်ပင်သာယာမြို့မဈေးအတွင်း/အပြင်၌ စားအုန်းဆီလက်လီ/လက်ကားဖြန့်ဖြူးရောင်းချနေမှုအခြေအနေ၊ စည်ပင်လမ်း၊ ပြည်တော်သာရပ်ကွက် စားအုန်းဆီကိုယ်စားလှယ်ဆိုင်များ၊ ဗိုလ်ချုပ်လမ်းမြို့မရပ်ကွက်၊ စားအုန်းဆီကိုယ်စားလှယ်ဆိုင်တို့နှင့် ဗိုလ်ချုပ်လမ်း၊ ဆပုဂံကျေးရွာရှိ လက်လီ/လက်ကားဆိုင်များတွင် စားအုန်းဆီရောင်းချနေမှုအခြေအနေနှင့် ကော့မှူးမြို့နယ်အတွင်းရှိ စားသုံးသူပြည်သူများ စားအုန်းဆီများကို ဈေးနှုန်းမှန်ကန်စွာ အခက်အခဲမရှိဝယ်ယူစားသုံးနိုင်ရေးအတွက် လက်လီ/ လက်ကားရောင်းချသည့်ဆိုင်များအား သတ်မှတ်ခွဲတမ်းများခွဲဝေချထားပြီးဖြစ်၍ ရရှိသည့်ခွဲတမ်းအလိုက် အခြေခံလက်ကားရည်ညွှန်းဈေးနှုန်းကို မိမိတို့ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်း အမှန်တကယ်ရောင်းချဖြန့်ဖြူးခြင်းရှိ/မရှိနှင့် စားအုန်းဆီဈေးနှုန်းတည်ငြိမ်စေရေးလုပ်ငန်းအဖွဲ့ကလည်း ကုမ္ပဏီအလိုက်ရောင်းချပေးသည့် လက်လီ/လက်ကားဆိုင်စာရင်းတို့ကို နေ့စဉ်ထုတ်ပြန်ပေးလျက်ရှိပြီး စားအုန်းဆီလက်ကားရည်ညွှန်းဈေးနှုန်းတို့ကိုလည်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်း/ သိုလှောင်/ ဖြန့်ဖြူးခြင်းလုပ်ငန်းကြီးကြပ်ရေးကော်မတီက အပတ်စဉ် တနင်္လာနေ့တွင် ထုတ်ပြန်ကြေညာ ပေးလျက်ရှိကြောင်း အသိပညာပေးကွင်းဆင်းစစ်ဆေးခဲ့ကြောင်းသိရပါသည်။
DOCA(ရန်ကုန်)