![](http://www.doca.gov.mm/sites/default/files/styles/consumer_inner_image__847x424_/public/ပန်းမုန်လာပွင့်.jpg?itok=Z6EZrTPd)
စစ်ကိုင်းတိုင်းဒေသကြီး၊ မုံရွာမြို့နယ်အတွင်း ချင်းတွင်းမြစ်ရိုးအရှေ့ဖက်တွင် တည်ရှိသော ညောင်ဖြူပင်၊ သစ်ဆိမ့်၊ ထနောင်းတော၊ နဂါးတွင်း ကျေးရွာများသည် ဥယျာဉ်ခြံမြေ စိုက်ပျိုးခြင်း လုပ်ငန်းများကို အဓိကထား လုပ်ကိုင်လျက်ရှိသည်။ တောင်သူများအနေဖြင့် ပန်းမုန်လာကို စက်တင်ဘာ၊ အောက်တိုဘာလဆန်းတွင် ပျိုးထောင်၍ (၃၅) ရက်သားတွင် စတင်စိုက်ပျိုးပြီး ရက်ပေါင်း (၉၀)ခန့်တွင် ခူးဆွတ်ရကြောင်း သိရသည်။ မြေပြုပြင်ခြင်း၊ မျိုး၊ စိုက်ပျိုးခြင်း၊ သွင်းအားစုနှင့် လုပ်သားခများအပါအဝင် တစ်ဧက စိုက်ပျိုးထုတ်လုပ်မှု ကုန်ကျစရိတ် ကျပ်ရှစ်သိန်း ကုန်ကျပြီး ကျပ် ( ၁၅ ) သိန်းခန့် ပြန်လည်ရရှိရာ အကျိုးအမြတ်အနေဖြင့် ကျပ်ခုနှစ်သိန်းခန့် ရရှိကြောင်း သိရှိရသည်။
ထိုပန်းမုန်လာပွင့်များကို ခူးဆွတ်၍ ရောင်းချရာတွင် အရွယ်အစားအလိုက် တစ်ပွင့်လျှင် ငွေကျပ် ၁၅၀၀-၂၀၀၀ ခန့်ထိ ရောင်းချရကြောင်း၊ ပွဲစားများမှ ကျေးရွာများအထိ လာရောက်ဝယ်ယူကြပြီး မြို့ပေါ်ပွဲရုံများနှင့် ရန်ကုန်၊ မန္တလေးမြို့ကြီးများအထိပါ တင်ပို့ရောင်းချလျက်ရှိရာ ပန်းမုန်လာပွင့် စိုက်တောင်သူများအနေဖြင့် အကျိုးအမြတ်ရရှိနေကြောင်း သိရှိရပါသည်။
DOCA(စစ်ကိုင်း)