မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်စီမံအုပ်ချုပ်ရေးအဖွဲ့က ဦးဆောင်၍ မြို့မစျေးကြီးအတွင်း ကုန်စုံဆိုင်များအား စည်းကမ်းသတ်မှတ်ချက်များနှင့်အညီ ရောင်းချခြင်းရှိ/မရှိ ရှောင်တခင်ဝင်ရောက်စစ်ဆေးခြင်းကို (၈-၁-၂၀၂၄)ရက်နေ့၊ နံနက်(၀၉း၀၀)နာရီအချိန်တွင် သွားရောက်စစ်ဆေးခဲ့သည်။
ထိုသို့စစ်ဆေးရာ၌ မကွေးတိုင်းဒေသကြီး၊ အစားအသောက်နှင့်ဆေးဝါးကွပ်ကဲရေးဦးစီးဌာန (FDA)မှ တာဝန်ရှိသူများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ကျန်းမာရေးဦးစီးဌာနနှင့် မြန်မာနိုင်ငံရဲတပ်ဖွဲ့ဝင်များပါဝင်သော ဌာနဆိုင်ရာတာဝန်ရှိသူများသည် မြို့မစျေးကြီးအတွင်းရှိ ကုန်စုံဆိုင်များ၌ သက်တမ်းလွန်မုန့်များရောင်းချမှုရှိ/မရှိ၊ စားသုံးရန်မသင့်ကြောင်း ကြော်ငြာထားသည့် အစားအသောက်များရောင်းချခြင်းရှိ/မရှိ၊ ခွဲတမ်းရရှိသောစားအုန်းဆီများအား သတ်မှတ်ရည်ညွှန်းစျေးအပေါ်တွင် (၂%) အမြတ်ထက်ကျော်လွန်ရောင်းချခြင်းရှိ/မရှိတို့အားစစ်ဆေးခဲ့ရာ အစားအသောက်နှင့်ဆေးဝါးကွပ်ကဲရေးစီးဌာနမှ စားသုံးရန်မသင့်ဟုတားမြစ်ထားသော လျှာရင်းမြတ် (ဇီးစပ်လုံး) (၁)ထုပ်လျှင် ကျပ်(၅၀)တန် (၉၅)ထုပ်၊ စုစုပေါင်းတန်ဖိုးငွေ ကျပ်(၄၇၅၀)အား စျေးတာဝန်ခံရုံးရှေ့တွင် အဖွဲ့စုံဖြင့် မီးရှို့ဖျက်ဆီးခဲ့ကြောင်းသိရှိရပါသည်။
DOCA(မကွေး)