စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး၊ ပန်းတနော်မြို့နယ်ဦးစီးမှူးရုံးမှ တာဝန်ရှိသူဝန်ထမ်းများသည် (၁၀-၁-၂၀၂၄) ရက်နေ့၊ နံနက် (၁၀:၀၀) နာရီအချိန်တွင် ပန်းတနော်မြို့ပေါ်ရှိ ဆန်စက်သို့သွားရောက်၍ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးခဲ့ကြပါသည်။
ထိုသို့ကွင်းဆင်းစစ်ဆေးရာတွင် ခရိုင်ဦးစီးမှူး ဦးဇော်မင်းက ဆန်စက်ပိုင်ရှင်နှင့်တွေ့ဆုံ၍ ပန်းတနော်ဆန်စပါးဈေးကွက်နှင့် ဒေသတွင်းစပါးစိုက်ပျိုးထွက်ရှိမှုအပေါ် ဝယ်ယူကြိတ်ခွဲမှုနှင့် တင်ပို့ရောင်းချမှုအခြေအနေများကိုမေးမြန်းခဲ့ပြီး ဆန်စက်အတွင်း စပါးကြိတ်ခွဲလည်ပတ်မှုနှင့် ဆန်သိုလှောင်ထားရှိမှုအခြေအနေများ၊ ကောင်းမွန်သော ထုတ်ကုန်ဖြစ်စေရန်အတွက် ဆန်စက်တွင်အသုံးပြုလျက်ရှိသည့် Gasifier အသုံးပြုသော ဆန်စက်များအနေဖြင့် သဘာဝပတ်ဝန်းကျင်ထိခိုက်မှုမရှိစေရေး အထူးအလေးထားဆောင်ရွက်ရန်၊ သတ်မှတ်ထားသည့် စည်းမျဉ်းစည်းကမ်းများနှင့်အညီ လည်ပတ်မောင်းနှင်ရန်၊ Gasifier စနစ်မှထွက်ရှိသည့် ရေဆိုးများကို ရေစစ်ကန်စနစ်ဖြင့် ဆောင်ရွက်ထားရှိမှုအခြေအနေများ၊ ပိုမိုကောင်းမွန်သည့် ရေသန့်စင်စနစ်များကို အသုံးပြုစေရေး စစ်ဆေး၍ အသိပညာပေးခဲ့ကြောင်းသိရှိရပါသည်။
DOCA(ဧရာဝတီ)