တောင်ငူမြို့နယ်၊ ငါးဖယ်အင်းကျေးရွာအုပ်စု၊ ကျေးတောကျေးရွာမှ တောင်သူလယ်မားကြီးများသည် မိုးစပါးရိတ်သိမ်းပြီးစီး၍ နွေစပါးစိုက်ပျိုးရန် မြေပြုပြင်နေကြပြီဖြစ်ပါသည်။ နွေစပါးစိုက်ပျိုးရာတွင် ဆည်ရေကိုအသုံးပြုရပါသည်။ ခပေါင်းဆည်မှ နွေစပါးစိုက်ပျိုးရန် ရေလွှတ်ပေးနေပါသည်။
မြေပြုပြင်ရာတွင် ထယ်ထိုးခြင်းကို ဆောင်ရွက်ရသည်ဖြစ်ရာ ယခင်နှစ်၌ တစ်ဧကလျှင် ၄၅၀၀၀ကျပ်သာရှိခဲ့သော်လည်း ယခုနှစ်တွင် တစ်ဧကလျှင် ၆၅၀၀၀ကျပ်ပေးရပါသည်။ မျိုးစပါး ဈေးနှုန်းမှာ စပါးတစ်တင်းလျှင် ၃၀၀၀၀ကျပ်မှ ၃၅၀၀၀ကျပ်အထိရှိပါသည်။
မျိုးစပါးမှာ တစ်ဧကလျှင် ၂ တင်းခန့်ပျိုးထောင်ရပါသည်။ လယ်သမားတချို့မှာ ကြဲခင်းစိုက်ပျိုးပြီး တချို့မှာမူ စနစ်တကျကြိုးတန်းစိုက်ပျိုးကြပါသည်။ စနစ်တကျကြိုးတန်းဆွဲစိုက်ပျိုးခြင်းမှာ ကုန်ကျစရိတ်ပိုမိုသော်လည်း အထွက်နှုန်းကောင်းကြောင်း စပါးစိုက်တောင်သူတစ်ဦး၏ပြောပြချက်အရ သိရှိရပါသည်။
DOCA(ပဲခူး)