အခြေခံစားကုန်ဈေးနှုန်း ဈေးကွက်ဖြစ်ပေါ်ပြောင်းလဲမှု အခြေအနေများအား ဘားအံမြို့ ရေပေါ်ဈေးကို အခြေခံ၍ ကုန်ဈေးနှုန်းစာရင်းများ ကောက်ယူလျက်ရှိရာ ၁၇-၁-၂၀၂၄မှ ၂၄-၁-၂၀၂၄ ရက်နေ့ထိ ဖြစ်ပေါ်လျက်ရှိသော အခြေခံစားကုန်ဈေးနှုန်းများမှာ ဧည့်မထဆန် တစ်ပြည် ၃၂၀၀ကျပ်၊ ပေါ်ဆန်း (သထုံ)မွှေးဝါ တစ်ပြည် ၅၂၀၀ ကျပ်၊ စားအုန်းဆီ တစ်ပိဿာ ၅၉၀၀ကျပ်၊ ငရုတ်ခြောက်ရှည် ၁၃၀၀၀ ကျပ်၊ ကြက်သွန်နီ တစ်ပိဿာ ၃၀၀၀ ကျပ်၊ ကြက်သွန်ဖြူရှမ်းစ တစ်ပိဿာ ၁၈၀၀၀ ကျပ်၊ ကြက်သား တစ်ပိဿာ ၁၀၅၀၀ ကျပ်၊ ဝက်သား ၁၅၀၀၀ကျပ်၊ ငါးမြစ်ချင်း တစ်ပိဿာ ၈၀၀၀ ကျပ်၊ အာပြဲခြောက် တစ်ပိဿာ ၂၅၀၀၀ ကျပ်၊ ကြက်ဥ တစ်လုံး ၂၇၀ ကျပ်၊ ဘဲဥ တစ်လုံး ၃၅၀ ကျပ်၊ ကုလားပဲ တစ်ပိဿာ ၇၀၀၀ ကျပ် ဖြစ်ကြောင်းနှင့် အာလူး တစ်ပိဿာ ၃၂၀၀ ကျပ် ဖြင့် အရောင်းအဝယ်ဖြစ်လျက်ရှိကြောင်း သိရသည်။
ဈေးနှုန်းနှိုင်းယှဉ်ချက်များအရ ငရုတ်ခြောက်တစ်ပိဿာလျှင် ယခင်အပတ်က ၁၄၀၀၀ ကျပ် ဖြစ်ပြီး ယခုအပတ် ၁၃၀၀၀ ကျပ် သို့ လည်းကောင်း ၊ ကြက်သွန်နီမှာ ယခင်အပတ်က တစ်ပိဿာ ၃၅၀၀ ကျပ်မှ ယခုအပတ် ၃၀၀၀ ကျပ်သို့လည်းကောင်းအသီးသီး ဈေးနှုန်းကျဆင်း ခဲ့ပြီး ကျန်စားသောက်ကုန်များမှာ ဈေးနှုန်းတည်ငြိမ်လျက်ရှိကြောင်းနှင့် ငရုတ်ခြောက်နှင့် ကြက်သွန်နီများမှာ သီးနှံအသစ်ပေါ်၍ ကုန်အသစ်များ ဈေးကွက်ဝင်ရောက်လာမှုကြောင့် ဈေးနှုန်းကျဆင်းခဲ့ခြင်းဖြစ်ကြောင်း စုံစမ်းသိရှိရပါသည်။
DOCA(ကရင်)