တောင်ငူဒေသပတ်ဝန်းကျင်ရှိ ကျေးရွာများ၌ ဟင်းသီးဟင်းရွက်များကို တစ်နိုင်တစ်ပိုင်စိုက်ပျိုးကြသူများပေါများပါသည်။ မိမိတို့စိုက်ခင်းများမှထွက်ရှိသော ဟင်းသီးဟင်းရွက်များအား တောင်ငူမြို့ရှိ ဘုရင့်နောင်ဈေးနှင့် ညောင်ပင်ဈေးများသို့ ကိုယ်တိုင်ရောင်းချ၍သော်လည်းကောင်း၊ တစ်ဆင့်ပြန်လည်ရောင်းချသူများအား ဖောက်သည်ပေး၍သော်လည်းကောင်း ရောင်းချကြပါသည်။
စစ်တောင်းမြစ်နှင့် ခပေါင်းချောင်းကမ်းဘေးတစ်လျှောက်ရှိ ကျေးရွာများ၌ နေထိုင်သူများသည် ကမ်းဘေးနှင့် သဲသောင်ပြင်များပေါ်တွင် ဟင်းသီးဟင်းရွက်များကို ရာသီအလိုက် စိုက်ပျိုး ကြပါသည်။ တောင်ငူမြို့၊ အရှေ့ဘက်ကျေးရွာများမှထွက်သော ဘူးသီးများမှာ ယခုအခါ လှိုင်လှိုင်ပေါ်၍ ဈေးနှုန်းများလည်းကျဆင်းသွားပါသည်။
ဘူးသီးတစ်လုံးလျှင် ယခင်က ၇၀၀ ကျပ်တန်ဘူးသီးများမှာ ယခု ၂၀၂၄ခုနှစ်၊ ဇန်နဝါရီလ စတုတ္ထပတ်တွင် တစ်လုံးလျှင် ၃၀၀ကျပ်ဖြင့်လည်းကောင်း၊ ယခင်က တစ်လုံးလျှင် ၁၀၀၀ကျပ်၊ ၁၅၀၀ကျပ်တန်ဘူးသီးများမှာ ယခုအခါ၌ တစ်လုံးလျှင် (၅၀၀/၇၀၀) ကျပ်ဖြင့်လည်းကောင်း ဈေးနှုန်းများကျဆင်းနေကြောင်းသိရှိရပါသည်။
DOCA(ပဲခူး)