ကရင်ပြည်နယ်၊ စားသုံးသူရေးရာကော်မတီဝင်များသည် ဘားအံမြို့၊ အခြေခံပညာကျောင်းများရှိ ကျောင်းမုန့်ဈေးတန်းများတွင်ရောင်းချနေသော စားသောက်ကုန်များအား ထုတ်ကုန်လုံခြုံ စိတ်ချရမှုရှိစေရေးအတွက် (၂၆-၁-၂၀၂၄) ရက်နေ့၊ နံနက်(၀၈း၀၀) နာရီအချိန်၌ ဘားအံမြို့၊ အ-ထ-က (၂) နှင့် အ-ထ-က (၄) ကျောင်းများသို့ အဖွဲ့စုံဖြင့်သွားရောက်၍ ကွင်းဆင်းစစ်ဆေးခဲ့ကြပါသည်။
ထိုသို့ကွင်းဆင်းစစ်ဆေးရာတွင် ကျောင်းမုန့်ဈေးတန်းများ၌ရောင်းချနေသော စားသောက်ကုန်များမှာ သန့်ရှင်းလတ်ဆတ်မှုရှိ/မရှိ၊ ကုန်အညွှန်းအမှတ်အသားပြည့်စုံမှန်ကန်မှုရှိ/မရှိ၊ တားမြစ်ဆိုးဆေးများသုံးစွဲထားခြင်းရှိ/မရှိ၊ သက်တမ်းလွန်မုန့်များရောင်းချနေခြင်းရှိ/မရှိတို့ကို စစ်ဆေးဆောင်ရွက်ခဲ့ကြပါသည်၊၊
စစ်ဆေးရေးအဖွဲ့တွင် ကရင်ပြည်နယ်စားသုံးသူရေးရာကော်မတီဝင်များဖြစ်သော အထွေထွေအုပ်ချုပ်ရေးဦးစီးဌာန၊ အကောက်ခွန်ဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ စားသုံးသူရေးရာဦးစီးဌာနတို့ပါဝင်သော အဖွဲ့စုံဖြင့် ပူးပေါင်းစစ်ဆေးခဲ့ကြောင်းသိရှိရပါသည်၊၊
DOCA(ကရင်)