ပဲခူးတိုင်းဒေသကြီး၊ ပြည်ခရိုင်၊ ပြည်မြို့သစ်ဈေးတွင် ခေါပုတ်ကို တစ်နိုင်တစ်ပိုင် ရောင်းချနေသော ဒေါ်ခင်ကြည် သည် ခေါပုတ်ရောင်းချခြင်းဖြင့် အပိုဝင်ငွေရရှိနေကြောင်း သိရပါသည်။
ခေါပုတ်ကို ရှမ်းလူမျိုးတွေရဲ့ အစားအစာလို့ လူသိများပေမဲ့ တောင်ပေါ်ဒေသတွင် နေထိုင်ကြသော အာခါ၊ ဝ၊ ပလောင်၊ ကချင်စသည့် တခြား တိုင်းရင်းသားများလည်း ပြုလုပ်စားသုံးလေ့ရှိပြီး နေရာဒေသနဲ့ ကြိုက်နှစ်သက်ရာအလိုက် နှမ်းထောင်း၊ ရေထောင်း၊ ဆီထောင်းဆိုပြီး ခေါပုတ်ပြုလုပ်နည်းတွေ ကွဲပြားပါသည်။ တောင်တန်းဒေသရဲ့ ထူးခြားတဲ့ စားစရာတစ်ခုဖြစ်တဲ့ စားတဲ့အခါ လျှာပေါ်မှာ ဆိမ့်ပြီး ကောင်းလွန်းတဲ့ ပဲခေါပုတ်ကို တောင်ပေါ်ဒေသမှာပဲ စိုက်လို့ရတဲ့ ပဲတစ်မျိုးဖြစ်တဲ့ ခေါ်တွန် ပဲလို့ခေါ်တဲ့ ပဲနဲ့ တောင်ပေါ်ဒေသမှာပဲစိုက်ပြီး ပျော့ပျောင်းတဲ့ ကောက်ညှင်းဆန်တို့ကို အချိုးကျ ရောစပ်ပြီး သန့်ရှင်းသပ်ရပ်စွာနဲ့ ဓါတုဗေဒဘာတစ်ခုမှမပါပဲ ပြုလုပ်စားသောက်တဲ့ အစားအစာ တစ်မျိုးပါ။ ခေါပုတ်ဟာ နံနက်ခင်းအစားအစာတစ်ခုဖြစ်သလို နေ့လယ်နေ့ခင်း အဆာပြေစားဖို့ အတွက်လည်း အင်မတန်ရိုးရှင်းလွယ်ကူတဲ့ စားစရာတစ်ခုဖြစ်ပါသည်။
ခေါပုတ်ကို ကောက်ညင်းဆန် အဖြူ၊ အမဲ၊ အညို တို့ကို ဆီ၊ ဆား၊ နှမ်းတို့ဖြင့်ရောနယ်၍ အပြား၊ အချပ်များ ပြုလုပ်ရောင်းချကြောင်း၊ (၂၀)သားတစ်ထုတ်လျှင် (၁၃၀၀) ကျပ်ဖြင့် ရောင်းချရ သောကြောင့် တစ်ရက်လျှင် ဝင်ငွေ (၅၀၀၀၀)လောက်ရရှိကြောင်း သိရပါသည်။
DOCA(ပဲခူး)