ကြက်သွန်နီမျိုးစိတ် အများအပြားရှိသည့်အထဲမှ ရဲကျွန်း(ခေါ်)မင်းတုန်းကြက်သွန်နီသည် အသေးဆုံးနှင့် အချိုဆုံးကြက်သွန်နီဖြစ်ပါသည်။ ရိုးရိုးကြက်သွန်များကို ဈေးများတွင် အလွယ်တကူ ဝယ်ယူ၍ရပေမဲ့ မင်းတုန်းကြက်သွန်နီကတော့ တစ်ရာသီပဲပေါ်သောကြောင့် ယခုအချိန်တွင် ဝယ်ယူစုဆောင်းထားသင့်ပါသည်။ ပင်ခြောက် ဆောင်းကြက်သွန်နီ ဖြစ်သောကြောင့် နှစ်ပေါက် အထားခံသောဆောင်းကြက်သွန်ဖြစ်ပါသည်။ အသုပ်သုပ်ရာတွင်ထည့်စားပါက အလွန်ချိုပြီး ကျွပ်ပါသည်။ မင်းတုန်းကြက်သွန်နီကို ထမင်းစားရာတွင် အတို့အနေဖြင့် အများဆုံးစားသုံးကြပါသည်။ ရာသီစာ ခရမ်းချဉ်သီးချက်နှင့် တွဲဖက်၍ စားသုံးပါက အလွန်လိုက်ဖက်သော တို့စရာတစ်မျိုး ဖြစ်ပါသည်။ မင်းတုန်းကြက်သွန်နီ ဈေးနှုန်းအနေဖြင့် တစ်ပိဿာလျှင် ၃၀၀၀ကျပ်နှုန်းဖြင့် ရောင်းချပြီး အထုံးတစ်ထုံးလျှင် ၃၀၀ကျပ်နှုန်းဖြင့် ရောင်းချကြောင်း သိရပါသည်။
DOCA(ပဲခူး)