စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဦး၊ ဒုဦးစီးမှူးဦးဆောင်သော ဝန်ထမ်း(၅)ဦးတို့သည် (၂၆-၁-၂၀၂၄) ရက်နေ့၊ နံနက်(၁၀:၀၀)နာရီအချိန်တွင် လှိုင်သာယာ မြို့နယ် (အရှေ့ပိုင်း)ရှိ အမှတ်(၂၂)၊ အခြေခံပညာအလယ်တန်းကျောင်းသို့သွားရောက်၍ ကျောင်းသား/ ကျောင်းသူများအား စားသုံးသူကာကွယ်ရေးအသိပညာပေးဟောပြောခဲ့ပါသည်။
အဆိုပါဟောပြောပွဲတွင် ဒေါ်နီလာဦး၊ ဒုဦးစီးမှူးက ဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်၊ စားသုံးသူကာကွယ်ရေးပေါ်ပေါက်လာပုံ၊ ကမ္ဘာ့စားသုံးသူအခွင့်အရေးများနှင့် ဆရာ/ ဆရာမ၊ ကျောင်းသား/ကျောင်းသူများအား ကုန်စည်/ဝန်ဆောင်မှုနှင့်ပတ်သက်၍ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိသော ကုန်စည်များဝယ်ယူသုံးစွဲနိုင်ရေး၊ နစ်နာဆုံးရှုံးမှုများရှိပါက အရေးဆိုတိုင်ကြားနိုင်စေရေးတို့အတွက် ၂၀၁၉ စားသုံးသူကာကွယ်ရေးဥပဒေပါ အကြောင်းအရာများအနက် သိသင့်သိထိုက်သည်များကို အကျယ်တဝင့်ဟောပြောဆွေးနွေးခဲ့ပါသည်။ ဆွေးနွေးပွဲအပြီးတွင် ကျောင်းအုပ်ဆရာမကြီး ဒေါ်လွင်လွင်သန်းက ယခုကဲ့သို့ လာရောက်ဆွေးနွေးပေးပါသော ဌာနဆိုင်ရာတာဝန်ရှိသူများအား မိမိကျောင်းရှိ ဆရာ/ဆရာများနှင့် ကျောင်းသား/ကျောင်းသူများအတွက် အဖိုးမဖြတ်နိုင်သော အသိပညာဗဟုသုတများရရှိသည့်အတွက် ကျေးဇူးတင်ရှိပါကြောင်း ပြောကြားခဲ့ပါသည်။ အဆိုပါဆွေးနွေးပွဲသို့ ကျောင်းအုပ် ဆရာမကြီးနှင့်အတူ ဆရာ/ဆရာမများ၊ ကျောင်းသား/ ကျောင်းသူ(၇၈)ဦးတက်ရောက်ခဲ့ကြောင်းသိရှိရပါသည်။
DOCA(ရန်ကုန်)