၂၀၂၄ခုနှစ်၊ ဖေဖော်ဝါရီလ ၅ရက်နေ့၊ နေ့လယ် (၁၄:၀၀) နာရီအချိန်တွင် ရှမ်းပြည်နယ် (တောင်ပိုင်း)၊ စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ စစ်ဆေးရေးမှူးနှင့်ဝန်ထမ်းများ သည် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြန်မာနိုင်ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာနတို့နှင့်ပူးပေါင်း၍ တောင်ကြီးမြို့ပေါ်ရှိ တောင်ကြီးဆေးဆိုင်အမှတ်(၂)၊ အောင်ဆေးဆိုင်နှင့် ရှမ်းချယ်ရီဆေးဆိုင်များ၌ ဆေးနှင့်ဆေးဝါးပစ္စည်းများကို ဈေးနှုန်းမြှင့်တင်ရောင်းချမှုမရှိစေရေး ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။
ထိုသို့ ကွင်းဆင်းစစ်ဆေးရာတွင် မြို့နယ်အတွင်းရှိ ဈေးကွက်၌ ဆေး၊ ဆေးပစ္စည်းနှင့် ကျန်းမာရေးအထောက်အကူပြုပစ္စည်းများပြတ်လပ်မှုမရှိစေရေး၊ ဈေးနှုန်းမှန်ကန်စေရေး၊ ပြည်သူများအနေဖြင့် လိုအပ်သည့်ဆေးဝါးများကို အလွယ်တကူဝယ်ယူရရှိစေရန်ရည်ရွယ်၍ ဆေးဆိုင်များ၌ နေ့စဉ်ဖွင့်လှစ်ရောင်းချပေးရေး၊ သတ်မှတ်အရည်အသွေးနှင့်ပြည့်ဝသည့် ဆေးဝါးများသာရောင်းချရေးနှင့် ဈေးနှုန်းမှန်ကန်စွာရောင်းချရေးတို့ကိုဆွေးနွေးခဲ့ပြီး လုပ်ငန်းရှင်များအား စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးကာကွယ်ရေးဥပဒေပါ ၎င်းတို့၏တာဝန်များကိုသိရှိနားလည်လိုက်နာဆောင်ရွက်စေရန်လိုအပ်ကြောင်းအသိပညာပေးဆွေးနွေး၍ ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။
DOCA(ရှမ်း)