ဗားဂရာငှက်ပျာသီးအသင်းမှ (၆-၂-၂၀၂၄) ရက်နေ့မှ (၁၂-၂-၂၀၂၄) ရက်နေ့ထိ ငှက်ပျောသီးဝင်ရောက်မှုစာရင်းနှင့် ဈေးနှုန်းများမှာ ယခုရက်ပိုင်းများမှာ ယခင်ရက်များထက် ဝင်ရောက်မှုနည်းပါးကြောင်း၊ ဧရာဝတီတိုင်းမှဝင်ရောက်သော ရခိုင်ငှက်ပျောများမှာ ဈေးနှုန်းအနည်းငယ်မြင့်တက်လာကြောင်း၊ ရွှေငှက်ပျောနှင့် သီးမွှေးငှက်ပျောဈေးနှုန်းများမှာ ကျကြောင်းသိရှိရပါသည်။ ရန်ကုန်တိုင်းမှ ဖီးကြမ်းငှက်ပျောများမှာ ဈေးနှုန်းအနည်းငယ်မြင့်တက်နေကြောင်း၊ ဧရာဝတီတိုင်းမှ ရခိုင်ငှက်ပျောသီးတစ်ဖီးလျှင် ကျပ် (၅၀၀မှ ၁၈၀၀) အထိရှိကြောင်း၊ ရန်ကုန်တိုင်းမှ ဖီးကြမ်းငှက်ပျောတစ်ဖီးလျှင် ကျပ် (၈၀၀မှ ၃၃၀၀) ကျပ်ထိရှိကြောင်း၊ ကျန်တိုင်းများမှ ငှက်ပျောသီးဈေးနှုန်းများမှာ ယခင်အပတ်ဈေးနှုန်းများနှင့် ကွာခြားမှုမရှိကြောင်းသိရှိခဲ့ရပါသည်။ ဧရာဝတီတိုင်းမှ ငှက်ပျောဝင်ရောက်မှုများမှာ ၁၂ပေကား (၅) စီး၊ Light Truck ကား (၁၀) စီးဝင်ရောက်ပြီး ရန်ကုန်တိုင်းမှ သင်္ဘော(၃) စီး၊ ၁၂ ပေကား (၂)စီး၊ Light Truck ကား(၃) စီးဝင်ရောက်ခဲ့ပါသည်။ ယခုအပတ်တွင် စစ်ကိုင်း၊ မန္တလေး၊ နေပြည်တော်များမှ အဓိကဝင်ရောက်သောငှက်ပျောမှာ ဖီးကြမ်းငှက်ပျောဖြစ်ကြောင်း ငှက်ပျောအသင်းမှ အတွင်းရေးမှူး၏ပြောကြားချက်အရသိရှိရပါသည်။
DOCA(ရန်ကုန်)