မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် လယ်ယာထွက်ကုန်သီးနှံမျိုးစုံဖြစ်သည့် နှမ်းနှင့်ပဲမျိုးစုံသီးနှံများ ပုံမှန်အရောင်းအဝယ်ဖြစ်လျက်ရှိရာ ၂၀၂၄ခုနှစ်၊ ဖေဖော်ဝါရီလ (ဒုတိယပတ်) အတွင်း နှမ်းနက်(စမုံ)(၄၅)ပိဿာပါ (၁)အိတ်လျှင် ကျပ်(၃၅၀၀၀၀-၃၈၀၀၀၀)ဖြင့် အိတ်(၁၇၀၀) ကိုလည်းကောင်း၊ နှမ်းပြာ(၄၅)ပိဿာပါ (၁)အိတ်လျှင် ကျပ်(၃၄၀၀၀၀)ဖြင့် အိတ်(၃၅၀)ကိုလည်းကောင်း၊ နှမ်းနီ(၄၅)ပိဿာပါ (၁)အိတ်လျှင် ကျပ်(၃၄၀၀၀၀)ဖြင့် အိတ်(၁၀၀)ကိုလည်းကောင်း၊ နှမ်းဖြူ(၄၅)ပိဿာပါ (၁)အိတ်လျှင် ကျပ်(၃၅၀၀၀၀)ဖြင့် အိတ်(၁၀၀)ကိုလည်းကောင်း၊ ကုလားပဲ (HL) (၁)တင်းလျှင် ကျပ်(၉၃၀၀၀-၉၉၀၀၀)ဖြင့် (၃၀)ပိဿာပါ အိတ် (၂၇၀)အိတ်ကိုလည်းကောင်း၊ ကုလားပဲ(မြကြေး) (၁)တင်းလျှင် ကျပ်(၉၃၀၀၀-၉၈၀၀၀)ဖြင့် (၃၀)ပိဿာပါအိတ် (၁၅၀)အိတ်ကိုလည်းကောင်း၊ မတ်ပဲ(၁)တင်းလျှင် ကျပ်(၉၃၅၀၀-၁၀၄၀၀၀) ဖြင့် (၃၀)ပိဿာပါ အိတ်(၂၇၀) အိတ်ကိုလည်းကောင်း၊ ပဲစဉ်းငုံနီ(၁)တင်းလျှင် ကျပ်(၁၂၃၂၀၀-၁၂၉၀၀၀)ဖြင့် (၃၀)ပိဿာပါ အိတ်(၂၈၀၀) အိတ်ကိုလည်းကောင်း၊ ဘိုကိတ်ပြာ(၁)တင်းလျှင် ကျပ်(၇၄၀၀၀-၇၉၀၀၀)ဖြင့် (၃၀)ပိဿာပါ အိတ် (၁၂၀)အိတ်ကိုလည်းကောင်း၊ ပဲတီစိမ်း(ဆောင်း) (၁)တင်းလျှင် ကျပ်(၇၀၀၀၀-၇၈၀၀၀)ဖြင့် (၃၀) ပိဿာပါအိတ်(၈၀၀)အိတ်ကိုလည်းကောင်း၊ ပဲတီစိမ်း(မိုး) (၁)တင်းလျှင် ကျပ်(၆၀၀၀၀-၆၆၀၀၀)ဖြင့် (၃၀)ပိဿာပါ အိတ်(၂၀၀)အိတ်ကိုလည်းကောင်း၊ ပဲကြီး(၁)တင်းလျှင် ကျပ်(၁၂၀၀၀၀-၁၂၃၀၀၀)ဖြင့် (၃၀)ပိဿာပါ အိတ်(၂၀၀) အိတ်ကိုလည်းကောင်း စသည်ဖြင့် အသီးသီးအရောင်းအဝယ်ဖြစ်ခဲ့ကြောင်းသိရှိရပါသည်။
မြေပဲလုံးဆံ(ဖြူ)(၁)ပိဿာလျှင် ကျပ်(၆၉၀၀-၆၉၅၀)ဖြင့် (၃၀)ပိဿာဝင်အိတ်(၄၅၀)အိတ်ကိုလည်းကောင်း၊ မြေပဲလုံးဆံ(နီ)(၁)ပိဿာလျှင် ကျပ်(၈၀၀၀)ဖြင့် (၃၀)ပိဿာဝင်အိတ် (၁၀၀)အိတ်ကိုလည်းကောင်း၊ မြေပဲတောင့်အစို(၁)တင်းလျှင် ကျပ်(၂၇၀၀၀-၂၈၀၀၀)ဖြင့် (၃၀၀၀)တင်းကိုလည်းကောင်း၊ ဝါ(၁)ပိဿာလျှင် ကျပ်(၃၃၀၀-၃၅၀၀)ဖြင့် ပိဿာ(၁၈၀၀၀)ကိုလည်းကောင်း အသီးသီးအရောင်းအဝယ်ရှိခဲ့ကြောင်း၊ ပဲတီစိမ်း(မိုး)မှာ လက်ကျန်အနည်းငယ်မျှသာရှိခဲ့ပြီး ပဲတီစိမ်း(ဆောင်း) မှာ အရောင်းအဝယ်သွက်လျက်ရှိကြောင်းနှင့် ပဲတီစိမ်း၊ မတ်ပဲ၊ ဘိုကိတ်ပြာ၊ ပဲစဉ်းငုံနီနှင့် ဝါသီးနှံတို့ကို ရန်ကုန်မြို့သို့လည်းကောင်း၊ နှမ်းကို မန္တလေးမြို့သို့လည်းကောင်း၊ ကုလားပဲနှင့် ပဲကြီးတို့ကို အောင်လံမြို့နယ်တွင်းရှိ ကုလားပဲခွဲစက်များသို့ ပေးပို့ရောင်းချရကြောင်း၊ မြေပဲလုံးဆံနီနှင့် မြေပဲလုံးဆံဖြူတို့ကို အောင်လံနှင့် သရက်မြို့နယ်ရှိ ပဲကြော်လုပ်ငန်းရှင်များသို့ ပေးပို့ရောင်းချလျက်ရှိကြောင်း အောင်လံကုန်စည်ဒိုင်မှသိရှိရပါသည်။
DOCA(မကွေး)