မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် ပဲမျိုးစုံဖြစ်သော ပဲစင်းငုံနီ၊ ကုလားပဲအမျိုးမျိုး၊ ပဲယင်းနီ၊ ပဲယင်းဝါများ၊ပဲနီ၊ ပဲထောပတ်နှင့် တခြားပဲမျိုးစုံစိုက်ပျိုးထုတ်လုပ်လျက်ရှိပါသည်။ ဖေဖေါ်ဝါရီလ (တတိယပတ်)တွင် ပဲမျိုးစုံအရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။ ယခုအပတ်တွင် အရောင်းအဝယ်ဖြစ်ခဲ့သောပဲများမှာ ပဲစင်းငုံနီ၊ ကုလားပဲဖြူလုံးကြီး၊ ပဲယင်း၊ ထောပတ်ပဲ၊ ပြောင်းဖူးစေ့ (CP)၊ ပဲလွန်းပြာနှင့် နေလဲစေ့တို့ဖြစ်သည်။ ပခုက္ကူကုန်စည်ဒိုင်သည် ပခုက္ကူမြို့၏ စီးပွားရေးအချက်အချာဖြစ်ပြီး ရောင်းဝယ်ဖောက်ကားရာတွင်လည်း နေရာဒေသစုံမှ လာရောက်အရောင်းအဝယ်ဖြစ်နေပါသည်။
၂၀၂၄ခုနှစ်၊ ဖေဖေါ်ဝါရီ (တတိယပတ်)တွင် ပခုက္ကူကုန်စည်ဒိုင်၌ အရောင်းအဝယ်ဖြစ်ခဲ့သောပဲဈေးနှုန်းများမှာ ပဲစင်းငုံနီတစ်တင်းလျှင် ကျပ် (၁၂၂၂၀၀-၁၂၃၀၀၀-၁၂၅၂၀၀)၊ ပဲယင်း(မြစ်ခြေ) တစ်တင်းလျှင် ကျပ်(၅၁၀၀၀)၊ ပဲယင်းနီတစ်တင်းလျှင် ကျပ် (၆၉၀၀၀)၊ ကုလားပဲဖြူလုံးကြီး (V6) တစ်တင်းလျှင် ကျပ်(၈၇၅၀၀)၊ ပဲလွန်းပြာတစ်တင်းလျှင် ကျပ်(၆၇၀၀၀)၊ ကုလားပဲဝါလုံးကြီး (929) တစ်တင်းလျှင် ကျပ်(၈၆၀၀၀)၊ ကုလားဖြူလုံးကြီး(V2) တစ်တင်းလျှင် ကျပ်(၈၇၀၀၀)၊ ပဲပုတ်(ကျွန်း) တစ်တင်းလျှင် ကျပ်(၅၃၅၀၀)၊ ပြောင်းဖူးစေ့ (CP) တစ်တင်းလျှင် ကျပ်(၁၆၈၀၀)၊ နေလဲစေ့တစ်ပိဿာလျှင် ကျပ်(၇၆၀၀)ဖြစ်ပြီး အရောင်းအဝယ်ဖြစ်မှုအိတ်ရေမှာ ပဲစင်းငုံနီ (၅၀၀မှ ၂၀၀၀)၊ ပဲယင်း(မြစ်ခြေ) (၂၀၀)၊ ပဲယင်းနီ (၅၀၀)၊ ကုလားပဲဖြူလုံးကြီး (V6) (၁၀၀)၊ ပဲလွန်းပြာ (၂၀၀)၊ ကုလားပဲဝါလုံးကြီး (929) (၁၀၀)၊ ကုလားဖြူလုံးကြီး(V2) (၁၀၀)၊ ပဲပုတ်(ကျွန်း) (၅၀၀)၊ ပြောင်းဖူးစေ့ (CP) (၁၀၀၀)၊ နေလဲစေ့ပိဿာချိန် (၁၀၀၀၀) ဥပုသ်နေ့မှလွဲ၍ အရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။
DOCA(မကွေး)