![](http://www.doca.gov.mm/sites/default/files/styles/consumer_inner_image__847x424_/public/27.11_0.jpg?itok=LejFt5lA)
နတ်တလင်းခရိုင်၊ နတ်တလင်းမြို့နယ်အတွင်း ယခု ဖေဖေါ်ဝါရီလ ဒုတိယပတ်တွင် မတ်ပဲများ လှိုင်လှိုင်ရိတ်သိမ်းနေချိန်ဖြစ်ပြီး မတ်ပဲများ ရိတ်ခြွေရာတွင် မတ်ပဲသယ်ခြင်းများကို အသုံးပြုကြသည့်အတွက် ဈေးကွက်အတွင်း ပဲသယ်ခြင်းများ ရောင်းအားကောင်းလျက်ရှိပါသည်။ ပဲသယ်ခြင်းများကို အဝိုင်းကွက်နှင့် လေးထောင့်ကွက်စသည်ဖြင့် (၂)မျိုး ရောင်းချနေပြီး အရည်အသွေးကို လိုက်၍ ပဲသယ်ခြင်း တစ်ခြင်းကို (၅၀၀၀-၇၀၀၀) ကျပ်နှုန်းဖြင့် ရောင်းချနေကြောင်း သိရှိရပါသည်။
ပဲသယ်ခြင်းများ ရောင်းအားကောင်းနေသလို ပဲရိတ်ခြွေရာတွင် ကျွေးရန် ဖရဲသီးများ ဝယ်ယူသည့်အတွက် ဈေးကွက်အတွင်း ဖရဲသီးများလည်း အရောင်းသွက်နေကြောင်း သိရှိရပါသည်။ ယခုအချိန်တွင် ဖရဲသီးများလည်း လှိုင်လှိုင်ထွက်ရှိနေချိန်ဖြစ်ပြီး ဖရဲအကြားသီး၊ အကြီး တစ်လုံး (၅၀၀၀-၄၀၀၀) ကျပ် ၊ အလတ်တစ်လုံးလျှင် (၃၅၀၀-၃၀၀၀) ကျပ် ၊ အသေးတစ်လုံးလျှင် (၂၀၀၀-၁၅၀၀ ) ကျပ်နှုန်းဖြင့် ရောင်းချနေကြောင်း သိရှိရပါသည်။
DOCA(ပဲခူး)