မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၊ မြိုင်လမ်းရှိ “ရွှေပြည်စိုး” ကြက်ဥ၊ ဘဲဥ၊ ငုံးဥအရောင်းဆိုင်၌ ၂၀၂၄ခုနှစ်၊ ဖေဖော်ဝါရီလ(တတိယပတ်)တွင် ကြက်ဥအရွယ်အစားလိုက်၍ ကြက်ဥ(အသေး)တစ်လုံးလျှင် ကျပ်(၂၅၀)၊ ကြက်ဥ(အလတ်)တစ်လုံးလျှင် ကျပ်(၂၇၀)၊ ကြက်ဥ (အကြီး)တစ်လုံးလျှင် ကျပ်(၂၉၀) ဈေးနှုန်းဖြင့် အရောင်းအဝယ်ဖြစ်ပြီး၊ ဘဲဥတစ်လုံးလျှင် ကျပ် (၄၀၀)၊ ဆေးဘဲဥတစ်လုံးလျှင် ကျပ် (၄၅၀)၊ ငုံးဥတစ်ဆယ်လုံးလျှင် ကျပ်(၆၅၀)ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခင်ဖေဖော်ဝါရီလ (ဒုတိယပတ်)ဈေးနှုန်းတို့နှင့်နှိုင်းယှဉ်လျှင် ဈေးအတက်အကျမရှိဘဲ အရောင်းအဝယ်ဖြစ်ခဲ့ပါသည်။
အခြေခံစားကုန်များထဲတွင် ကြက်ဥ၊ ဘဲဥသည် တစ်မျိုးအပါအဝင်ဖြစ်ပြီး အခြေခံလူတန်းစားများအတွက် ဈေးနှုန်းသင့်တင်မျှတပြီး အလွယ်တကူချက်ပြုတ်စားသောက်နိုင်သော စားသောက်ကုန်တစ်မျိုးဖြစ်ကာ စားသောက်ကုန်လုပ်ငန်းရှင်များကလည်း ဝယ်ယူသုံးစွဲမှုများခြင်းကြောင့် အရောင်းအဝယ်သွက်လျက်ရှိကြောင်း “ရွှေပြည်စိုး” ကြက်ဥအရောင်းဆိုင်မှသိရှိရပါသည်။
DOCA(မကွေး)