ဧရာဝတီတိုင်းဒေသကြီး၊ ပုသိမ်ခရိုင်အတွင်းရှိ မြို့နယ်များတွင် ၂၀၂၄ခုနှစ်၊ ဖေဖော်ဝါရီလ နောက်ဆုံးပတ်အတွင်း ပေါ်ဆန်းစပါး ၄၆ပေါင် ၁တင်းလျှင် ကျပ်၃၀၀၀၀ခန့်၊ ၁၀၈ ပေါင်ပါ ပေါ်ဆန်းဆန် ၁အိတ်လျှင် ကျပ်၁၂၇၀၀၀ဈေးနှုန်းနှင့် ဧည့်မထစပါး ၁တင်းလျှင် ကျပ် (၂၁၀၀၀/ ၂၃၀၀၀)၊ ဆန် ၁အိတ်လျှင် ကျပ် (၈၃၀၀၀ /၈၆၀၀၀) အတွင်း ဈေးနှုန်းတို့ဖြင့် အရောင်းအဝယ်ဖြစ်နေပြီး ပုသိမ်ခရိုင်၊ ရေကြည်မြို့နယ်မှထွက်ရှိသော ပေါ်ဆန်းဆန် ၁အိတ်လျှင် ကျပ်၁၄၀၀၀၀ဖြင့် ဈေးနှုန်းပိုမိုရရှိ၍ ယခင်ဇန်နဝါရီလဈေးနှုန်းထက် ယခုဖေဖော်ဝါရီလ၌ ပေါ်ဆန်း ၁အိတ်လျှင် ကျပ်၂၀၀၀နှင့် ဧည့်မထဆန် ၁အိတ်လျှင် ကျပ်၅၀၀၀ဈေးနှုန်းပိုမိုမြင့်တက်၍ ပိုလျှံဆန်များကို ရန်ကုန်နှင့် အထက်အညာဒေသများသို့တင်ပို့ရောင်းချလျက်ရှိကြောင်း ဆန်စပါးဈေးကွက်မှသိရသည်၊၊
ဟင်္သတခရိုင်အတွင်းမြို့နယ်များရှိ ဆန်စပါးဈေးကွက်တွင် ပေါ်ဆန်းစပါးစိုက်ပျိုးထွက်ရှိမှုမရှိဘဲ မိုးဧည့်မထစပါးအများစုသာစိုက်ပျိုးလျက် ဧည့်မထစပါး ၄၆ပေါင်ပါ ၁တင်းလျှင် ကျပ် (၂၀၀၀၀/ ၂၁၀၀၀) နှင့် ဧည့်မထဆန် ၁၀၈ပေါင်ပါ ၁အိတ်လျှင် ကျပ်၈၁၀၀၀ဈေးနှုန်းဖြင့်ရောင်းဝယ်လျက်ရှိပြီး ယခင်ဇန်နဝါရီလနှင့် ယခုဖေဖော်ဝါရီကာလတူ ဆန်ဈေးနှုန်းမှာ ၁အိတ်လျှင် ကျပ် (၄၀၀၀/၅၀၀၀) ဈေးနှုန်းမြင့်တက်၍ ဒေသတွင်းစားသုံးမှုနှင့် ရန်ကုန်၊ အညာဈေးကွက်သို့ တင်ပို့ရောင်းချမှုရှိကြောင်း ဈေးကွက်မှသိရသည်၊၊
မြောင်းမြခရိုင်၊ မြို့နယ်များရှိ ဆန်၊ စပါးဈေးကွက်တွင် ပေါ်ဆန်းစပါး ၄၆ပေါင်ပါ ၁တင်းလျှင် ကျပ် (၂၈၀၀၀/၃၀၀၀၀)၊ ပေါ်ဆန်း ၁၀၈ပေါင် ၁အိတ်လျှင် ကျပ် (၁၁၀၀၀၀/၁၂၅၀၀၀)၊ ဧည့်မထစပါး ၁တင်းလျှင် ကျပ် (၁၉၀၀၀/၂၀၀၀၀)နှင့် ဆန် ၁အိတ်လျှင် ကျပ် (၇၂၀၀၀/ ၈၅၀၀၀) ဈေးနှုန်းတို့ဖြင့်ရောင်းဝယ်လျက် ခရိုင်တွင်းမြို့နယ်များတွင် ဈေးကွက်ပေါ်မူတည်၍ စပါး၊ ဆန်ဈေးနှုန်းအနည်းငယ်ကွာခြားမှုရှိပြီး ဆန်ဈေးနှုန်းများမှာ ဇန်နဝါရီလနှင့်ကာလတူ ဖေဖော်ဝါရီလတွင် ပေါ်ဆန်းဆန် ၁အိတ်လျှင် ကျပ်၁၀၀၀၀ခန့်နှင့် ဧည့်မထဆန် ၁အိတ်လျှင် ကျပ် (၄၀၀၀/၅၀၀၀) ဈေးနှုန်းတို့မြင့်တက်မှုရှိကြောင်း ဈေးကွက်မှသိရသည်၊၊
မအူပင်ခရိုင်ရှိ မြို့နယ်များတွင် ပေါ်ဆန်းစပါး ၄၆ပေါင်ပါ ၁တင်းလျှင် ကျပ် (၂၉၀၀၀/ ၃၀၀၀၀)၊ ဆန် ၁အိတ်လျှင် ကျပ်၁၂၀၀၀၊ ဧည့်မထစပါး ၁တင်းလျှင် ကျပ် (၁၉၀၀၀/၂၁၀၀၀) ဈေးနှုန်းတို့ဖြင့် အရောင်းအဝယ်ဖြစ်လျက် ယခင်လနှင့်ယခုလကာလတူဈေးနှုန်းမှာ ပေါ်ဆန်းဆန် ၁အိတ်လျှင် ကျပ်၅၀၀၀နှင့် ဧည့်မထဆန် ၁အိတ်လျှင် ကျပ် (၅၀၀၀/၇၀၀၀) အတွင်း ဈေးနှုန်းမြင့်တက်၍ ဒေသတွင်းစားသုံးမှုနှင့် ပိုလျှံဆန်များကို ရန်ကုန်နှင့် အညာဒေသသို့ တင်ပို့ရောင်းချမှုရှိကြောင်း ဈေးကွက်မှသိရသည်၊၊
ဖျာပုံခရိုင်အတွင်းမြို့နယ်များတွင် ပေါ်ဆန်းစပါး ၄၆ပေါင်ပါ ၁တင်းလျှင် ကျပ် (၂၆၀၀၀/ ၃၀၀၀၀)၊ ဆန် ၁အိတ်လျှင် ကျပ်၁၁၄၀၀၀၊ ဆန် ၁အိတ်လျှင် ကျပ် (၁၁၄၀၀၀/၁၁၉၀၀၀)၊ ဧည့်မထစပါး ၁တင်းလျှင် ကျပ်၁၈၂၀၀၊ ဆန် ၁အိတ်လျှင် ကျပ်၈၈၀၀၀ဈေးနှုန်းတို့ဖြင့် အရောင်းအဝယ်ဖြစ်နေပြီး ယခင်လနှင့် ယခုလ ကာလတူဈေးနှုန်းတို့ကိုနှိုင်းယှဉ်ပါက ပေါ်ဆန်း ၁အိတ်လျှင် ကျပ်၁၅၀၀၀နှင့် ဧည့်မထဆန် ၁အိတ်လျှင် ကျပ်၁၅၀၀၀ဈေးနှုန်းမြင့်တက်လျက်ရှိကြောင်း ဈေးကွက်မှသိရှိရပါသည်၊၊
DOCA(ဧရာဝတီ)