ဗားဂရာဌက်ပျာသီးအသင်းမှ (၂၀-၂-၂၀၂၄) ရက်နေ့မှ (၂၆-၂-၂၀၂၄) ရက်နေ့ထိ ငှက်ပျောသီးဝင်ရောက်မှုစာရင်းနှင့် ဈေးနှုန်းများမှာ ယခုရက်ပိုင်းများ၌ ဧရာဝတီတိုင်း၊ ရွှေဘို၊ နေပြည်တော်၊ စစ်ကိုင်းတိုင်း၊ ဘုတလင်နှင့် နေရာစုံ၊ ရန်ကုန်တိုင်း၊ တွံတေးမြို့နယ်များမှ ငှက်ပျောဝင်ရောက်မှုများကြောင်း၊ ဧရာဝတီ၊ ရန်ကုန်တိုင်းမှ သီးမွှေးအဝင်များပြီး တစ်ဖီးလျှင် (၁၀၀၀/ ၂၅၀၀/ ၃၀၀၀)ကျပ်ထိဈေးနှုန်းမြင့်တက်လျက်ရှိပါသည်။ ဧရာဝတီတိုင်း၊ ကျုံပျော်၊ ရန်ကုန်တိုင်းတို့မှဝင်ရောက်သော ငှက်ပျောသီးများမှာ တစ်ဖီးလျှင် ၄၀၀၀ကျပ်မှ ၅၀၀၀ကျပ်ထိရှိပါသည်။ရွှေငှက်ပျောအသေးမှာ တစ်ဖီးလျှင် ၁၀၀၀ကျပ်မှ ၁၅၀၀ကျပ်ထိရှိပါသည်။ ကျောက်ဆည်၊ နေပြည်တော်၊ စစ်ကိုင်းတိုင်း၊ ဘုတလင်မှဝင်ရောက်သော ဖီးကြမ်းတစ်ဖီးလျှင် ၁၈၀၀ကျပ်မှ ၃၅၀၀ကျပ်အထိဈေးနှုန်းမြင့်တက်လာကြောင်း၊ ဈေးမြင့်တက်ရခြင်းအကြောင်းအရင်းမှာ ယခုရက်များသည် ဘုရားပွဲရှိ၍ အသုံးများသောကြောင့် ရခိုင်တစ်ဖီးလျှင် ၈၀၀ကျပ်မှ ၂၀၀၀ ကျပ်အထိဈေးနှုန်းမြင့်တက်ရခြင်းဖြစ်ကြောင်း ငှက်ပျောအသင်းမှ အတွင်းရေးမှူး၏ ပြောကြားချက်အရသိရှိရပါသည်။
DOCA(ရန်ကုန်)