ပြည်ခရိုင်၊ ပြည်မြို့ရှိဈေးကွက်များတွင် နယ်စုံမှ မြေပဲဆန်များဝင်ရောက်မှုရှိရာ ယခုအချိန်တွင် ဆောင်းမြေပဲများထွက်ပေါ်ချိန်ဖြစ်၍ ဈေးကွက်တွင် မြေပဲသီးနှံများပေါများလာပြီး အရောင်းအဝယ်ဖြစ်လျက်ရှိပါသည်။ ယခုအချိန်သည် ထမနဲရာသီချိန်ဖြစ်၍ မြေပဲဆန်ဈေးနှုန်းများမှာ မြင့်တက်လာခြင်းမရှိဘဲ ယခင်ဖေဖော်ဝါရီလဆန်းပိုင်းအတိုင်း ဈေးအေးနေသည်ကိုတွေ့ရပါသည်။ ယခုဖေဖော်ဝါရီလ နောက်ဆုံးပတ်တွင် ဖြစ်ပေါ်လျက်ရှိသော မြေပဲဆန်ဈေးနှုန်းများမှာ ဆီကြိတ်ဆန် (အဖြူ)တစ်ပိဿာလျှင် ၅၈၀၀ကျပ်၊ ရွေးဆန်(အဖြူ)တစ်ပိဿာလျှင် (၆၃၀၀-၆၈၀၀) ကျပ်၊ လုံးဆန်(အဖြူ)တစ်ပိဿာလျှင် (၇၀၀၀-၈၀၀၀) ကျပ်အထိရှိပြီး လုံးဆန်(အနီ)တစ်ပိဿာလျှင် (၇၅၀၀-၈၀၀၀) ကျပ်အထိရောင်းချကြောင်းသိရပါသည်။ ဈေးကွက်အနေဖြင့် မြို့တွင်းဆီစက်သမားများ၊ ပဲကြော်၊ ပဲလှော်သမားများနှင့် မကွေးနှင့် မန္တလေးတိုင်းများမှ ဝယ်ယူသဖြင့် နေ့စဉ် အရောင်းအဝယ်ဖြစ်လျက်ရှိပြီး တစ်ခါတစ်ခါအရောင်းအဝယ်ဖြစ်လျှင် အိတ်(၅၀၀)ခန့်ရှိကြောင်းသိရပါသည်။
DOCA(ပဲခူး)