ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်တွင် ပွင့်လင်းရာသီရောက်လာချိန် အိမ်ဆောက်ပစ္စည်းရောင်းဝယ်ကြရာ ဘိလပ်မြေဈေးနှုန်းမှာ ယခင်ဇန်နဝါရီလထက် ယခုဖေဖော်ဝါရီလ၌ တစ်အိတ်လျှင် (၅၀၀)ကျပ်ခန့်မြင့်တက်နေပြီး ပစ္စည်းလည်း လိုသလောက်မရရှိဘဲ အနည်းငယ်ပြတ်တောက်လျက်ရှိကြောင်း၊ ဘိလပ်မြေဈေးနှုန်းများမှာ အပါချီတစ်အိတ်လျှင် ယခင် (၁၀၃၀၀)ကျပ်မှ ယခု (၁၀၈၀၀)ကျပ်၊ အယ်ဖာတစ်အိတ်လျှင် ယခင် (၁၁၅၀၀) ကျပ်မှ ယခု (၁၂၀၀၀)ကျပ်၊ ကြံ့တစ်အိတ်လျှင် ယခင် (၁၁၃၀၀)ကျပ်မှ ယခု (၁၁၈၀၀) ကျပ်ထိဈေးနှုန်းတို့ဖြင့် အတက်ဈေးဘက်သို့ ဦးတည်ရောင်းဝယ်လျက်ရှိကြောင်းသိရှိရပါသည်။
DOCA(ပဲခူး)