ကရင်ပြည်နယ်၊ ဘားအံမြို့၏ ဈေးကွက်တွင် နွေရာသီပေါ်သံပရာသီးများဈေးကောင်းရလျက်ရှိကြောင်း သိရပါသည်။ သံပရာသီးကို ဘားမြို့အနီးတဝိုက်ကျေးရွာများတွင် တစ်နိုင်တစ်ပိုင်စိုက်ပျိုးကြသည့်အပြင် စီးပွားဖြစ်လည်း စိုက်ပျိုးကြပါသည်။ ဘားအံမြို့ ဈေးကွက်အတွင်းသို့ ဝင်ရောက်လာသော သံပရာသီးများမှာ ဘားအံမြို့အနီးရှိ ကျေးရွာများနှင့် ကြာအင်းဆိပ်ကြီး၊ မော်လမြိုင် ရေးမြို့တို့မှဖြစ်သည်။ မြန်မာ သံပရာသီးအိတ်ကြီး တစ်အိတ် လျှင် (၄၀၀၀၀၀၊၄၅၀၀၀၀) ကျပ်၊ ဖြစ်ပြီး တစ်အိတ်တွင်အလုံးရေ ၁၆၀၀ မှ ၁၇၀၀ ထိပါရှိသည်။ သံပရာသီးအလုံးချော (အကြီး)တစ်လုံးလျှင် (၅၀၀) ကျပ်၊ အနေတော်တစ်လုံးလျှင် (၄၀၀)ကျပ်နှင့် ယိုးဒယာမျိုးစပ်သံပရာသီး သံပရာသီးအလုံး ချော(အကြီး)တစ်လုံးလျှင် (၅၀၀) ကျပ်၊ အနေတော် တစ်လုံးလျှင် (၃၀၀ကျပ် နှင့် ၃လုံး ၁၀၀၀ကျပ်) တို့ဖြင့် အရောင်းအဝယ်ဖြစ်နေသောကြောင့် ၊ စိုက်တောင်သူများအနေဖြင့် ယခုနှစ်တွင် ဈေးကောင်းရ၍ တွက်ချေကိုက်လျက်ရှိကြောင်း ၊ သံပရာသီး၊ရှောက်သီးကို ကရင်ပြည်နယ် ကြာအင်းဆိပ်ကြီးမြို့နယ်တွင် အများဆုံးစိုက်ပျိုးကြောင်း သိရှိရပါသည်။
DOCA(ကရင်)