ရန်ကုန်တိုင်းဒေသကြီး၊ မှော်ဘီခရိုင်၊ စားသုံးသူရေးရာဦးစီးဌာန၊ မှော်ဘီမြို့နယ်ရှိ ဝန်ထမ်းများသည် ကုလားကုန်းကျေးရွာနေ ဦးစိုင်းပိုင်ဆိုင်သော သပြေစိုက်ပျိုးခြင်းလုပ်ငန်းသို့ သွားရောက်လေ့လာခဲ့ကြပါသည်။
ကုလားကုန်းကျေးရွာ၌ ၂၀၁၅ခုနှစ်မှစ၍ အာဆီယံသပြေ၊ ရိုးရိုးသပြေဟူ၍ သပြေ(၂)မျိုးစိုက်ပျိုးခြင်းလုပ်ငန်းကို တစ်နိုင်တစ်ပိုင်လုပ်ကိုင်ခဲ့ကြပါသည်။ သပြေပင်၏ နှစ်ရှည်သက်တမ်းမှာ (၁၀)နှစ်ရှိ၍ စတင်စိုက်ပျိုးချိန်မှ (၂)နှစ်အတွင်း အကိုင်းဖြတ်၍ ရောင်းချနိုင်ပြီး ပျိုးပင်များကို မန္တလေးတိုင်းဒေသကြီးမှ တစ်ပင်လျှင် (၂၅၀)ကျပ်မှ (၃၀၀)ကျပ်ဖြင့်ဝယ်ယူခဲ့ပြီး ကုလားကုန်းကျေးရွာတွင် စိုက်ပျိုးဧက (၃၀)ဧကဖြင့် စိုက်ပျိုးလျက်ရှိပါသည်။ (၁)ဧကလျှင် အပင် (၂၀၀)စိုက်ပျိုးပြီး ပိုးသတ်ဆေး၊ မှိုဆေးများကိုလည်းအသုံးပြုရပါသည်။ ဈေးကွက်ဖြန့်ဖြူးရာတွင် တစ်စည်းလျှင် (၁၀၀)ကျပ်ဖြစ်ပြီး သပြေရှားပါးချိန်ရောက်လျှင် (၂၀၀)ကျပ်ထိရောင်းခဲ့ပါသည်။ ဈေးကွက်အနေဖြင့် ခြံသို့ ကိုယ်တိုင်လာရောက်ဝယ်ယူခြင်း၊ ပဲခူးဈေး၊ ထောက်ကြန့်ဈေးသို့လည်းဖြန့်ဖြူးရောင်းချလျက်ရှိကြောင်းသိရှိရပါသည်။
DOCA(ရန်ကုန်)