ကရင်ပြည်နယ်၊ ဘားအံမြို့၏ ဈေးကွက်တွင် နွေရာသီပေါ်သီးနှံဖြစ်သည့် ဘူးသီးများ လှိုင်လှိုင်ပေါ်၍ ဈေးနှုန်းအနည်းငယ်ကျလျက်ရှိကြောင်း သိရပါသည်။ ဘူးသီးကို ဘားမြို့အနီး ဝိုက်ကျေးရွာများ တွင် တစ်နိုင်တစ်ပိုင်စိုက်ပျိုးကြသည့်အပြင် စီးပွားဖြစ်လည်း စိုက်ပျိုးကြပါသည်။ ဘူးသီးကို ဟင်းနှင့်ဟင်းချိုအဖြစ်ချက်ပြုတ်စားကြသလို အကြော်ဆိုင်များတွင် အကြော်ကြော်၍ ရောင်းချကြသောကြောင့် ဝယ်ယူမှုများပြီး စိုက်ပျိုးတောင်သူအတွက် အပိုဝင်ငွေတိုးစေပါသည်။ ဘူးသီးကို အလုံးအရွယ်အစားအလိုက် ဈေးနှုန်းခွဲခြားရောင်းချကြသည်။ ဘူးသီးအလုံးကြီး ဈေးနှုန်း တစ်လုံးလျှင် (၁၀၀၀၊၁၅၀၀)ကျပ်၊ ဘူးသီးအလုံးလတ် ဈေးနှုန်း တစ်လုံးလျှင် (၆၀၀၊၈၀၀)ကျပ်၊ ဘူးသီးအလုံးသေးဈေးနှုန်း တစ်လုံးလျှင် (၃၀၀၊၅၀၀)ကျပ် တို့ဖြစ် ရောင်းဝယ်လျက်ရှိကြောင်းနှင့် ပေါ်ဦးပေါ်ဖျားအချိန်များတွင် ဘူးသီး အကြီးတစ်လုံးလျှင်(၅၀၀၀)ကျပ်၊ အလတ် (၃၀၀၀)ကျပ်၊ အငယ်(၂၀၀၀)ကျပ်ထိ ဈေးနှုန်းဖြစ်ပေါ်တတ်ကြောင်း သိရှိရပါသည်။
DOCA(ကရင်)