၁၄.၅.၂၀၂၄ ရက်နေ့၊နေ့လယ် (၁၄:၀၀)နာရီအချိန် စီပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးအစိုးရရုံး DICA အစည်းအဝေးခန်းမတွင် တိုင်းဒေသကြီး စားသုံးသူရေးရာကော်မတီ (၂/၂၀၂၄) ကြိမ်မြောက်အစည်းအဝေးကို ကျင်းပဆောင်ရွက်ရာ စားသုံးသူရေးရာကော်မတီဥက္ကဌစီးပွာရေးရာဝန်ကြီးက အဖွင့်အမှာစကားပြောကြားပြီး ကော်မတီအဖွဲ့ဝင်များနှင့် စားသုံးသူရေးရာဦးစီးဌာန ဝန်ထမ်းများစုစုပေါင်း(၁၅)ဦး တက်ရောက်ကြောင်း သတင်းရရှိပါသည်။
စားသုံးသူရေးရာကော်မတီဥက္ကဌ၊ စီးပွာရေးရာဝန်ကြီးက အဖွင့်အမှာစကားပြောကြားရာတွင် တက်ရောက်လာကြသော ကော်မတီအဖွဲ့ဝင်များနှင့် ဌာနဆိုင်ရာဝန်ထမ်းများအား ကျမတို့ ကော်မတီအဖွဲ့ဝင်များအနေဖြင့် စားသုံးသူပြည်သူများအပေါ် ကုန်စည်နှင့်ဝန်ဆောင်မှုများ ဘေးအန္တရာယ် ကင်းရှင်းစွာ အသုံးပြုနိုင်ရေး၊ နစ်နာမှုရှိကတိုင်ကြားလာမှုများအား ညှိနှုင်းဖြေရှင်း ဆောင်ရွက်နိုင်ရေး၊ ထုတ်လုပ်ရောင်းချသောလုပ်ငန်းရှင်များ လိုက်နာရမည့်စည်းကမ်း အချက် အလက်များ၊ စားသုံးသူကာကွယ်ရေးလုပ်ငန်းများကို စားသုံးသူကာကွယ်ရေးဥပဒေနှင့် သက်ဆိုင်ရာ ဌာနများ၏ လုပ်ထုံးလုပ်နည်းဥပဒေနှင့်အညီ ထိရောက်စွာဆောင်ရွက်နိုင်ရေးကို ပူးပေါင်းအကြံပြု ပါဝင်ဆောင်ရွက် စေလိုကြောင်းပြောကြားပြီး စားသုံးသူရေးရာကော်မတီအတွင်းရေးမှူး တိုင်ဒေသကြီး ဦးစီးမှူးကလည်း တိုင်းဒေသကြီးစားသုံးသူရေးရာကော်မတီသို့ စားသုံးသူရေးရာဦးစီးဌာန၏ လအလိုက်လုပ်ငန်း ဆောင်ရွက်မှုများနှင့် ရှေ့ဆက်လက်ဆောင်ရွက်ရမည့်လုပ်ငန်းစဉ်များအား အမှာစာ (၆)ခုဖြင့် တင်ပြ ဆွေးနွေး၍ အဖွဲ့ဝင်များမှလည်း ဖြည့်စွက်ဆွေးနွေးပြီး တိုင်းဒေသကြီးစားသုံးသူရေးရာ ကော်မတီ ဥက္ကဌကအဖွဲ့ဝင်များအနေဖြင့် ယခင်နှင့် ယခုအားသာချက်၊ အားနည်းချက် များမှုများကို နှိုင်းယှဉ်၍ စစ်ကိုင်းတိုင်းဒေသကြီးအတွက် အရေးကြီးကုန်စည်(၁၀)မျိုးမှ ဈေးကွက်ကွင်းဆင်း စစ်ဆေးဆောင်ရွက်ရာတွင် အမျိုးစားခွဲခြားသတ်မှတ်စိစစ် ဆောင်ရွက်နိုင်ရန် ကော်မတီကရွေးချယ်၍ လုပ်ထုံးလုပ်နည်းနှင့်အညီ ဆောင်ရွက်ကြရန် ပြောကြားရင်းအစည်းအဝေးကို အောင်မြင်စွာ ကျင်းပနိုင်ခဲ့ပါသည်။
DOCA(စစ်ကိုင်း)