မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် မြစ်ငါးအမျိုးမျိုး နှင့်ပုဇွန်တို့ကို မြို့ပေါ်ရှိ အမှတ်(၃)ရပ်ကွက်မှ ဈေးသည်များနှင့် မြို့အရှေ့ဘက်ကမ်းတွင် တည်ရှိ သော မြင်ကွန်းရွာမှဈေးသည်များ အများဆုံးလာရောက်ရောင်းဝယ်ဖောက်ကားလျက်ရှိကြောင်း သိရှိ ရပါသည်။
၂၀၂၄ခုနှစ်၊ မေလ(တတိယပတ်)တွင် အထက်မင်းလှမြို့၊ ဇေယျာသီရိဈေး၌ရောင်းချလျက်ရှိ သော မြစ်ငါး၊ ပုဇွန်ဈေးနှုန်းများမှာ ငါးကြင်း(၁)ပိဿာလျှင် ကျပ်(၂၄၀၀၀)၊ ငါးတန်(၁)ပိဿာလျှင် ကျပ်(၁၆၀၀၀)၊ ငါးကွန်မှန်(၁)ပိဿာလျှင် ကျပ်(၂၀၀၀၀)၊ ငါးဘတ်(၁)ပိဿာလျှင် ကျပ်(၂၀၀၀၀)၊ ငါးသလောက်(အကောင်အလတ်) (၁)ပိဿာလျှင် ကျပ်(၃၀၀၀၀)၊ ပုဇွန်(အကောင်အကြီး)(၁) ပိဿာလျှင် ကျပ်(၅၀၀၀၀)၊ ငါးယင်ပေါင်စာ(၁)ပိဿာလျှင် ကျပ်(၂၀၀၀၀)ဈေးနှုူန်းများဖြင့် အရောင်း အဝယ်ဖြစ်လျက်ရှိပြီး ယခင်(ဒုတိယပတ်)နှင့်နှိုင်းယှဉ်ပါက ယခုအပတ်တွင် ငါးကြင်း ကျပ်(၂၀၀၀)၊ ငါးကွန်းမှန် ကျပ်(၃၀၀၀)၊ ပုဇွန် ကျပ်(၅၀၀၀)၊ ငါးဘတ် ကျပ်(၁၅၀၀)ဈေးနှုန်း အသီးသီးမြင့် တက်လာကြောင်း၊ ယခုအချိန်တွင် မြစ်ရေအတက်အကျရှိခြင်းနှင့် မြစ်ငါးများရှားပါးသောရာသီဖြစ် သောကြောင့် ငါး၊ ပုဇွန်ဈေးနှုန်းများမှာ မြင့်တက်ရခြင်းဖြစ်ကြောင်း ဇေယျာသီရိဈေးအတွင်း ငါးရောင်းချနေသော ဈေးသည်တစ်ဦးထံမှ သိရှိရပါသည်။
DOCA(မကွေး)