စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာန(ရုံးချုပ်)မှ Zoom Webinar စနစ်ဖြင့် ကုန်အမှတ်တံဆိပ်မူပိုင်ခွင့်ဆိုင်ရာ တွေ့ဆုံဟောပြောပွဲအခမ်းအနားကို ဖေဖော်ဝါရီလ (၂၃)ရက်နေ့ နေ့လည် (၁၃:၀၀) နာရီမှ (၁၇:၀၀)အထိ ကျင်းပပြုလုပ်ခဲ့ပါသည်။ ဆွေးနွေးပွဲ ပြုလုပ်ရခြင်း၏ ရည်ရွယ်ချက်မှာ ရခိုင်ပြည်နယ် ဒေသတွင်းပြည်သူများ၏ လူမှုစီးပွားဘဝဖွံ့ဖြိုး တိုးတက်ရေးအတွက် မူပိုင်ခွင့်ဌာန၏ ဉပဒေနှင့် မှတ်ပုံတင်ခြင်းဆိုင်ရာ လုပ်ထုံးလုပ်နည်းများအား စီးပွားရေးလုပ်ငန်းရှင်/SME လုပ်ငန်း ရှင်များအား အသိပညာပေးဆွေးနွေးရခြင်းဖြစ်ပါသည်။
အဆိုပါဆွေးနွေးပွဲတွင် မူပိုင်ခွင့်ဦးစီးဌာနမှ ကုန်အမှတ်တံဆိပ်မူပိုင်ခွင့်နှင့် အမှတ်တံဆိပ် မှတ်ပုံတင်လျှောက်ထားဆိုင်ရာကိစ္စနှင့် ပတ်သက်၍ ဒေါက်တာစိမ့်သန္တာထွန်း၊ ညွှန်ကြားရေးမှူးက ရှင်းလင်းပြောကြားခြင်း၊ Online Filling System (wipo File) စနစ်ဖြင့် အမှတ်တံဆိပ်မှတ်ပုံ တင်လျှောက်ထားခြင်းဆိုင်ရာ ကိစ္စနှင့်ပတ်သက်၍ ဒေါက်တာမေဖြိုးသွယ်၊ ညွှန်ကြားရေးမှူးက ရှင်းလင်းပြောကြားပြီး၊ တက်ရောက်လာသည့် စီးပွားရေးလုပ်ငန်းရှင်/SME လုပ်ငန်းရှင်များ၏ သိရှိလိုသည့် မေးမြန်းခြင်းအပေါ် ရှင်းလင်းဆွေးနွေးခြင်း အစည်းအဝေးသို့ စီးပွားရေးလုပ်ငန်းရှင်/ SME လုပ်ငန်းရှင် (၄)ဦးနှင့် ရခိုင်ပြည်နယ်စားသုံးသူရေးရာဦးစီးဌာမှ အရာထမ်း/အမှုထမ်း(၁၂)ဦး စုစုပေါင်း( ၁၆ )ဦးတို့သည် Zoom Webinar စနစ်ဖြင့် တက်ရောက်ခဲ့ကြောင်း သိရှိရပါသည်။
DOCA(ရခိုင်)